Қонун ҳужжатлари таъсирини баҳолаш тизими порталида бошқа ҳудуддан келганлар ва чет элликларга янги қурилган уй-жойларда турар жой сотиб олиш йўли билан Тошкент шаҳри ва Тошкент вилоятида прописка олиш имкониятини беришга қаратилган 2 та НҲҲ лойиҳаси муҳокама учун жойлаштирилди.
Эслатиб ўтамиз, 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини "Халқ билан мулоқот ва инсон манфаатлари йили"да амалга оширишга оид Давлат дастури бошқа ҳудуддан келганлар ва чет элликлар учун қиймати ЭКИҲ 2 минг бараваридан кам бўлмаган (бошқа ҳудудларда пропискага эга бўлмаган чет элликлар учун – 100 минг АҚШ долларидан кам бўлмаган) янги уй-жой сотиб олинган ва кўчмас мулкнинг нархидан 5-10% давлат божи тўланган тақдирда Тошкент шаҳри ва Тошкент вилоятида прописка олиш имкониятини назарда тутган. Бу ҳақда батафсил – бу ерда.
Биринчи лойиҳада СКнинг 338-моддасидан жисмоний ва юридик шахсларга тегишли уйлар, квартиралар, дала ҳовлилари, гаражлар, бошқа иморатлар, бинолар ва иншоотларни бошқа шахсга ўтказиш шартномаларини тасдиқлаганлик учун давлат божи суммаси уларнинг турар жойи ёки умумий майдонидан келиб чиққан ҳолда ҳисоблаб чиқариладиган умумий қоидани чиқариб ташлаш таклиф қилинмоқда. Бу бошқа ҳудуддан келганлар ва чет элликлар томонидан битим қийматига боғлиқ ҳолда давлат божи тўлаш механизмини жорий қилиш учун зарур.
Иккинчи лойиҳа Вазирлар Маҳкамасининг 16.02.2012 йилдаги 41-сон “Тошкент шаҳри ва Тошкент вилоятида доимий прописка қилиниши лозим бўлган шахслар - Ўзбекистон Республикаси фуқаролари тоифаларининг рўйхати тўғрисида”ги Ўзбекистон Республикаси Қонунини амалга ошириш чора-тадбирлари тўғрисида”ги қарорига қўшимча киритади.
Хусусан, Тошкент шаҳри ва Тошкент вилоятидаги янги қурилган уй-жойларда кўчмас мулк олди-сотдиси бўйича битимлар Тошкент шаҳри ва Тошкент вилоятида доимий пропискага эга бўлмаган жисмоний шахс томонидан Тошкент шаҳри ва Тошкент вилоятида янги қурилган уй-жойларда қиймати ЭКИҲ 2 минг бараваридан кам бўлмаган кўчмас мулкни банк ҳисобварақлари орқали ҳисоб-китобни амалга ошириш билан сотиб олинганда нотариал тасдиқлаш ва давлат рўйхатидан ўтказиш амалга оширилади. Тошкент шаҳри ва Тошкент вилоятига республиканинг бошқа ҳудудларидан келган ва бу ҳудудларда доимий пропискага эга бўлмаган чет эл фуқаролари ёки фуқаролиги бўлмаган шахслар ҳам худди шу суммага кўчмас мулк сотиб оладилар.
Тошкент шаҳри ва Тошкент вилоятига бошқа давлатлардан келган ҳамда яшаш гувоҳномаси олган чет эл фуқаролари ёки фуқаролиги бўлмаган шахслар шу йўл билан пойтахт минтақасида прописка олиш учун Тошкент шаҳри ва Тошкент вилоятидаги янги қурилган уй-жойларда шартнома тузилган санада Марказий банк курси бўйича қиймати 100 минг АҚШ долларидан кам бўлмаган кўчмас мулкни банк ҳисобварақлари орқали ҳисоб-китобни амалга ошириш билан сотиб олишлари керак.
Тошкент шаҳри ва Тошкент вилоятидаги янги қурилган уй-жойларда кўчмас мулк олди-сотди шартномаларини тасдиқлаш учун давлат божининг қуйидаги миқдорлари таклиф қилинмоқда:
|
Қиймати ЭКИҲ 2 минг бараваридан кам бўлмаган кўчмас мулкни сотиб олаётган, Ўзбекистон Республикасида доимий яшайдиган ва республиканинг бошқа ҳудудларида доимий пропискага эга жисмоний шахслар учун |
шартнома суммасининг 5%и |
|
Шартнома тузилган санада Марказий банк курси бўйича қиймати 100 минг АҚШ долларидан кам бўлмаган кўчмас мулкни сотиб олаётган Тошкент шаҳри ва Тошкент вилоятига бошқа давлатлардан келган ҳамда яшаш гувоҳномаси олган чет эл фуқаролари ва фуқаролиги бўлмаган шахслар учун |
шартнома суммасининг 10%и |
Бунинг учун Давлат божи ставкаларига (3.11.1994 йилдаги 533-сон ВМҚ билан тасдиқланган) ўзгартиришлар киритилади.
Бу муҳим! Янги қурилган уй-жойлардаги кўчмас мулкка мулк ҳуқуқи туман (шаҳар) ҳокимининг комиссиянинг қурилиши тугалланган бино ва иншоотларни фойдаланишга қабул қилиш тўғрисидаги далолатномасини тасдиқлаш тўғрисидаги қарори асосида вужудга келган ва у қабул қилинган пайтдан 3 йилдан кўп вақт ўтмаган мол-мулк киради.
Лойиҳалар ўзгартирилиши, тўлдирилиши ёки рад этилиши мумкин. Уларни муҳокама қилиш жорий йилнинг 26 апрелигача узайтирилади.
Самир Латипов.
Комментарии (15)
Добавить комментарийГость_Gulrux :
Arzonlashtirilgan narxdagi uylardan davlat tashkilotida ishlovchilarga ham ipoteka krediti asosida Sotib olish imkoniyatini berish kerak.
Гость_Уктам :
Ушбу қонун 2017 йил 26 апрелгача кўриб чиқилади деб айтилган эди, мана ўша сана хам етиб келди, Сизлардан илтимос экспертлар қайси хулоса келишганлиги тўғрисида маълумот берсангизлар.
Гость_Самир Латыпов :
Айни пайтда НҲҲнинг жамоатчилик муҳокамаси тугатилиб, келиб тушган таклифлар ваколатли давлат органлари томонидан умумлаштирилади. Лойиҳа кейинги босқичларда қайта ишланганлиги ёки тасдиқланганлиги тўғрисида маълумот олишимиз билан дарҳол ўқувчиларимизга хабар берамиз.
Гость_Рузиев :
Ассалом алейкум, норма.уз мутахассислари, олдин хабар берганларингиздан келиб чиқиб,2017 йил 5 май куни ушбу лойиҳани муҳокамаси бўлади дейилганди, ушбу муҳокама бўлиб ўтдими ва нима янгилар бўлди, ушбу қонун қачон тасдиқланиши мумкин ва қайси ташкилотларга имзога кирилган. жавобингиз учун раҳмат.
Гость_1234567890 :
Менимча бу тўғримас нима учун Ўзбекистон фуқораси бўлиб хохлаган жойимиздан уй олалмасак. Чет давлатларда унақамаску