Ўзбекистон Республикаси Савдо-саноат палатаси ҳиндистонлик ҳамкасблари томонидан амалий ҳамкорликни ривожлантириш бобида қизиқиш билдирилаётганлиги ҳақида хабар берди.
Хусусан, хабарда айтилишича, Ҳиндистон Кичик ва ўрта бизнесни ривожлантириш палатаси амалий ҳамкорликни ўрнатиш учун хорижий тадбиркорларни қўллаб-қувватлашга тайёр.
Инвестициялар, контракт асосида ишлаб чиқариш, қўшма корхоналар, илмий-техникавий алмашиниш, стратегик амалий ҳамкорлик учун имкониятларни белгилаш мақсадида икки мамлакат бизнес вакиллари ўртасида ҳамкорлик муносабатлари ўрнатилиши мумкин. Қизиқиш билдирилган тақдирда кичик ва ўрта бизнесни намоён қилувчи ҳиндистон компаниялари ҳамкорликка қўшилади.
Маҳаллий бизнесменлар батафсил маълумотларни бевосита Ҳиндистон Кичик ва ўрта бизнесни ривожлантириш палатасидан қуйидаги электрон почта smechamberofindia@vsnl.net орқали, шунингдек www.smechamberofindia.com веб-сайтидан олишлари мумкин.
