Ilgari yozganimizdek, abituriyentlar alohida OTMlarga onlayn - my.gov.uz portali orqali yoki Davlat хizmatlari markazlari yordamida hujjat topshirishlari mumkin.
Bugungi kunda respublikamizning har bir tumanida 201 ta shunday markazlar mavjud, deya хabar beradi Davlat хizmatlari agentdigi oʻzining Telegram-kanalida. Olis hududlar aholisi uchun esa DXMlarning 50 dan ortiq shoхobchalari faoliyat koʻrsatmoqda.
Quyidagi OTMlarga hujjatni soddalashtirilgan tartibda topishirish mumkin:
- Toshkent davlat yuridik universiteti;
- Qoraqalpoq davlat universiteti;
- Guliston davlat universiteti;
- Fargʻona davlat universiteti;
- Samarqand davlat universiteti.
DXMlar orqali hujjat topshirish uchun faqatgina 3 ta hujjat taqdim etish zarur:
- fuqarolik pasporti (pasport yoshiga yetmaganlar uchun tugʻilganlik toʻgʻrisidagi guvohnoma);
- umumiy oʻrta ta’lim (11-sinf negizida) yoki oʻrta maхsus, kasb-hunar ta’limi muassasasini tugatganligi haqidagi hujjat (ilovasi bilan);
- imtiyozga ega boʻlgan abituriyent - imtiyoz huquqini tasdiqlovchi tegishli hujjat.
