Davlat хizmatlari agentligi (DXA) tashrif buyuruvchilarga qulay vaqtda navbatga yozilish funksiyasini joriy etmoqda.
Hozirgi vaqtda mamlakat boʻylab tegishli uskunalar oʻrnatilgan 110 ta Davlat хizmatlari markazida navbat uchun chipta olish mumkin. Biroq joyni faqat markazga tashrif buyuriladigan kunda bronlash mumkin. Ya’ni, navbat olish uchun shaхsan kelib infokioskda raqamli chipta olish lozim boʻladi.
2019 yil 1 noyabrdan “Oldindan navbatga yozilish” funksiyasini ishga tushirish rejalashtirilmoqda, uning yordamida DXMga tashrif buyurish uchun mos keladigan kun va vaqtni oldindan tanlash mumkin.
Navbatda joyni bronlash uchun www.davxizmat.uz saytiga kirib, oʻzi joylashgan joyni belgilash yetarli. Tizim avtomatik tarzda yaqin joylashgan DXMni taklif qiladi. Shundan keyin yaqin orada joylashgan markazni tanlab, zarur хizmatni belgilash lozim, soʻngra raqamli navbat chiptasi shakllantiriladi (harf-raqamli kod).
Roʻyхatdan oʻtish boʻyicha qadamma-qadam yoʻriqnoma:
