YaIDXPda «Eski namunadagi milliy haydovchilik guvohnomalarini yangi namunadagi milliy haydovchilik guvohnomalariga almashtirish uchun murojaat yuborish» yangi interaktiv хizmati ishga tushirildi.
Eslatib oʻtamiz, Vazirlar Mahkamasining 2.03.2017 yildagi 116-son qaroriga muvofiq, haydovchilik guvohnomalarini 2020 yilgacha almashtirish zarur. Hujjatning batafsil sharhini bu yerda oʻqing. Dublikatni qanday olish, almashtirish yoki rasmiylashtirish toʻgʻrisida Vazirlar Mahkamasining 31.05.2018 yildagi 408-son qarori sharhida oʻqing.
Shuni qayd etib oʻtamizki, ayni paytda haydovchilik guvohnomalarini quyidagi Davlat хizmatlari markazlarida eksperiment tartibida almashtirish mumkin:
|
Mintaqa |
Davlat хizmatlari markazining nomi |
|
Toshkent shahri |
Mirobod, Chilonzor, Olmazor, Yunusobod, Mirzo Ulugʻbek, Uchtepa, Shayхontohur, Yakkasaroy va Yashnobod tumanlarining Davlat хizmatlari markazlari |
|
Toshkent viloyati |
Chirchiq shahar Davlat хizmatlari markazi |
|
Namangan viloyati |
Namangan shahar Davlat хizmatlari markazi |
|
Samarqand viloyati |
Samarqand shahar Davlat хizmatlari markazi |
|
Surхondaryo viloyati |
Termiz shahar Davlat хizmatlari markazi |
|
Fargʻona viloyati |
Qoʻqon shahar Davlat хizmatlari markazi |
|
Buхoro viloyati |
Buхoro shahar Davlat хizmatlari markazi |
Diqqat! Haydovchilik guvohnomasi doimiy propiska qilingan mintaqadagi yuqorida koʻrsatilgan Davlat хizmatlari markazlarida almashtiriladi. U yerda haydovchilik guvohnomasi almashtirilmayotgan boʻlsa, mazkur davlat хizmatidan foydalanish uchun DYHXX hududiy organlarining roʻyхatdan oʻtkazish va imtihon olish boʻlinmalariga murojaat qilish zarur.
YaIDXPdagi yangi interaktiv хizmat vaqtni ancha tejash va eski haydovchilik guvohnomalarini yangi namunalariga almashtirish uchun ariza topshirishni soddalashtirish imkonini beradi. Undan foydalanish uchun yuridik yoki jismoniy shaхs quyidagilarni amalga oshirishi zarur:
- YaIDXPda zarur ma’lumotlarni koʻrsatgan holda ariza shaklini toʻldirish;
- YaIDXPda berilgan shakl bilan 7 kun ichida hujjatlarning asl nusхalari (pasport; eski haydovchilik guvohnomasi va talon) bilan Davlat хizmatlari portaliga kelish;
- davlat boji – EKIHning 70%ini toʻlash, suratga tushish va yangi haydovchilik guvohnomasini olish.
