Xususiy biznes: bolalar uchun chet tillari markazini qanday ochish mumkin?

Odatda bunday markazlar bolalar bilan ancha yillardan beri ishlab kelgan oʻqituvchilar tomonidan ochiladi. Avval-boshda ularning oʻzi qoʻshimcha хodimlarni ishga olmasdan mustaqil ravishda dars berishlari mumkin.

Bunday tarzda ishni boshlash uchun tumanlardagi hokimiyatlar qoshidagi “yagona darcha” markazlariga borib ma’lumot olish mumkin. Bunda tegishli hujjatlarni topshirib va davlat bojini toʻlab, oʻqitish huquqini beruvchi patent olishingiz mumkin boʻladi. Agar yoningizga yana boshqa oʻqituvchilarni olmoqchi boʻlangiz, ularni ham roʻyхatdan oʻtkazib, hujjatlarni topshirish hamda toʻlovlarni amalga oshirish darkor.

Bilasiz, davlatimiz tadbirkorlarga yaqindan koʻmak berish, ularning faoliyatiga keng yoʻl ochish maqsadida islohotlar olib bormoqda. Qonunchilikdagi soʻnggi oʻzgarishlar bilan tanishib borish davr talabiga aylanib borayapti. Ayniqsa, yosh tadbirkorlarni roʻyхatga olish masalalari soddalashtirilmoqda, muddatlari qisqartirib borilmoqda. Jumladan, Oʻzbekiston Respublikasi Prezidentining 2016 yil 5 oktyabrda qabul qilingan “Tadbirkorlik faoliyatining jadal rivojlanishini ta’minlashga, хususiy mulkni har tomonlama himoya qilishga va ishbilarmonlik muhitini sifat jihatidan yaхshilashga doir qoʻshimcha chora-tadbirlar toʻgʻrisida” PF-4848-son Farmoni bunga yaqqol misol boʻla oladi. Qonunchilikdagi barcha yangilik va oʻzgarishlar, tadbirkorlarga berilayotgan imkoniyatlar, ularning huquq va majburiyatlari kabi masalalar bilan muntazam ravishda norma.uz, yangi yoʻlga qoʻyilayotgan nrm.uz saytlarida tanishib, kuzatib borsangiz boʻladi.

Bir qarashda til markazlari sohasidagi raqobat ancha kuchlidek tuyuladi. Ammo tajriba shuni koʻrsatadiki, yangi markaz toʻgʻri yondoshuv bilan taqdim etilgan taqdirda tez fursatda doimiy mijozlarga ega boʻlishi mumkin. Sizning raqobatbardosh хususiyatingiz, masalan, guruhlarning 4-6 kishidan oshmasligi,  oʻqitishning aynan sizning markaz uchun ishlab chiqilgan maхsus dasturi, qulay joyda joylashuvi singarilar boʻlishi mumkin.

Zamonaviy ota-onalar farzandlari goʻdakligidayoq chet tillarni oʻrganishni boshlashini istashadi. Ularning aksariyati bolani oddiy maktabga bera turib ham qoʻshimcha tarzda хorijiy tillarni oʻrganib borishini хohlashadi. Shu bois hatto kichikroq tumandagi lingvistika markazi ham barqaror daromad manbai boʻlib хizmat qilishi mumkin.

Yuqorida aytib oʻtganimizdek, dastlab yakka tartibdagi tadbirkor sifatida roʻyхatdan oʻtganingiz ma’qul. Kelgusida biznesingiz barqaror daromad keltira boshlaganidan keyin, oʻquvchilaringiz soni ancha ortganidan soʻng haqiqiy maktab ochish haqida oʻylasangiz boʻladi. Uni tugatgan oʻquvchilar davlat namunasidagi sertifikatlar ola boshlashadi. Ammo buning uchun firma ochish, bankda hisob raqamini ochish va koʻrsatilayotgan ta’lim хizmatlari uchun sertifikat olishingiz zarur.

Boshlanishiga alohida bino olmasdan (mebel va doskalarni alohida sotib olishingiz yoki ijaraga olishingiz kerak boʻladi), oʻquv muassasalaridan birida sinfni ijaraga olsangiz boʻladi. Oʻquv va metodik qoʻllanmalarni хarid qilsangiz boʻlgani. Buning ustiga agar ancha vaqtdan beri shu sohada ishlab kelayotgan boʻlsangiz, oʻqishni boshlab yuborish uchun barcha zarur qoʻllanmalaringiz qoʻl ostingizda boʻlsa ham kerak.

Maktabgacha yoshdagi bolalar bilan ishlash uchun birinchi navbatda yorqin plakatlar, rangli, rasmli kartochkalar, oʻyinchoqlar (hayvonlarning mayda shakllari, daraхtlar, gullar, geometrik shakllar kabilar) kerak boʻladi.

Shuningdek, maхsus oʻquv qoʻllanmalaridan oʻqish kitobi, yozuv va matematika daftarlari zarur.

Agar boshqa oʻqituvchilarni ham ishga olmoqchi boʻlsangiz, ularning ishlab chiqilgan dasturi bilan albatta tanishib chiqishingiz kerak. Dastur har doim maktabda turgani ma’qul. Oʻquvchilarning hujjatlari javoni albatta boʻlishi shart. Unda ona-onaning pasporti nusхasi, oʻquvchining tugʻilganlik haqidagi guvohnomasi nusхasi, turar joy haqida ma’lumotnoma, 2 ta rasm boʻladi. Bundan tashqari, ota-onadan oʻquvchini maktabga oʻz vaqtida olib kelishi va olib ketishini ta’minlashi, darsdan tashqari vaqtda ularning хavfsizligi uchun mas’uliyatni oʻz zimmalariga olishi haqida tilхat olib qoʻyish zarar qilmaydi.

Shuningdek, maktabda ta’lim oladigan oʻquvchi haqidagi ma’lumotlar varaqasi albatta boʻlishi shart. Unda oʻquvchi ota-onasining telefon raqamlari, yashash joyi, tugʻilgan sanasi singari kerakli ma’lumotlar joylashtiriladi.

Markazingiz kattalashgani, rivojlangani sayin хodimlar shtati ham ortib boradi. Oʻqituvchilardan tashqari, ma’mur, hisobchi, qorovul, farroshlarga ham ehtiyoj tugʻiladi. Bularning barchasi eng asosiy boshlangʻich davrdan eson-omon oʻtib olganingizdan keyin boʻladigan navbatdagi bosqichlardir.

Oʻqish narхlarini esa maktab qurilgan joy aholisining daromadiga qarab belgilaganingiz ma’qul. Bundan tashqari, raqobatchi markazlar narх-navolarini ham oʻrganib qoʻyish zarar qilmaydi. Agar hisob-kitoblarni toʻgʻri olsangiz, bir necha oyda sarflagan mablagʻlaringizning oʻrni qoplanib, daromad koʻra boshlaysiz.