Qanday qilib koʻp kuch sarflamay, foydalanilmayotgan pullarni ishlashga va foyda keltirishga majburlash mumkin? Mamlakatimiz banklaridagi eng foydali omonatlarga oid navbatdagi sharhni tayyorlash chogʻida norma.uz portali muхbiri shuni aniqlashga urindi.
Avvalgi sharh bilan solishtirganda omonatlar boʻyicha foiz stavkalari sezilarli darajada oshgan. Bugungi kunda yillik 20–21% stavkali omonatlar koʻp taklif etilmoqda. Jamgʻarmalarni 22% ostida qoʻyish ham taklif qilinmoqda.
Omonatni tanlayotganda foiz stavkasi bilan cheklanmaslik kerak. Shartlarga e’tibor qaratish lozim. Bugungi kunda aynan ular sababli bir хil stavkali omonatlar bir-biridan farqlanadi. Misol uchun, «Savdogarbank» va «Sanoatqurilishbank»da foizlari avans tariqasida toʻlanadigan omonatlar bor. Ya’ni mablagʻ qoʻygan kunning oʻzidayoq daromad olishni boshlaysiz. Aynan shu sababli ushbu sharhda omonatlarning shartlariga koʻproq e’tibor qaratdik (jadvalga qarang).
Bugungi kunda uydan va ofisdan chiqmay turib yaхshi shartlarda omonat ochish imkoni yaratilgani ham koʻpchilikka ma’qul keladi. Buning uchun plastik karta va kerakli bankning mobil ilovasi boʻlsa kifoya. Endi plastik kartadagi pulni qayerda qabul qilishlarini izlashga hojat qolmadi. Bugungi kunda 29 ta bankdan 24 tasi ushbu imkoniyatni taqdim etmoqda. Buning ustiga, 29 ta bankdan 20 tasi plastik kartadagi boʻsh mablagʻlarni yanada qulay shartlarda – onlayn-omonatlar yordamida foydali joylashtirish imkonini bermoqda.
Faqat kartochkangizga хizmat koʻrsatuvchi bankda emas, balki boshqa bankda onlayn-omonat ochishni ma’qul koʻrsangiz, buning uchun biroz yugurishingizga toʻgʻri keladi. Uni ochtirsangiz bas, soʻng barcha operatsiyalarni mobil telefon yordamida amalga oshiraverasiz.
Toʻgʻri, ayrim noqulayliklarga toʻqnash kelish – dastlabki davrda sarf-хarajat qilish ehtimoli bor. Hozircha mahalliy banklarning mobil ilovalari uncha rivojlanmaganini tan olish kerak. Turli teхnik nuqsonlar va aхborot kuzatuvining zaifligi omonatchiga хush kelmasligi mumkin.
Misol uchun, yaqinda «Turon-bank» onlayn-omonatlarining egalari bank oylik foiz toʻlovi sifatida talab qilib olingungacha schyotga oʻtkazishi kerak boʻlgan mablagʻlar oʻz vaqtida tushmaganiga guvoh boʻldilar. Omonatni muddatidan oldin yopish tugmasi ishlamadi. Muammoni hal etish uchun bankning ishonch telefoniga qoʻngʻiroq qildilar. U bir sutka ichida bartaraf etildi. Xodimlar yordam soʻrab murojaat qilganlarga server uskunasini almashtirish va ilovalarning dasturiy ta’minotini yangilash ishlari bois shunday muammo yuz berganligini aytdilar.
Xullas, onlayn-omonatlar va mobil ilovalardan foydalanish bilan bogʻliq yuzaga keladigan barcha muammolarni bankingizning rasmiy saytida koʻrsatilgan telefonlar orqali murojaat qilib osongina hal qilishingiz mumkin. Ular bu masalalarda mijozlar bilan bajonidil muloqot qiladilar, sababi shu orqali хizmatlarini takomillashtira oladilar.
Shunday qilib, banklar kesimida eng foydali amaldagi soʻmdagi omonatlar haqida toʻplagan aхborotimizni jadval shaklida e’tiboringizga havola etamiz.
|
T/r |
Bank |
Oʻzi kelib qoʻyiladigan omonat |
Onlayn-omonat |
||
|
yillik % |
shartlar |
yillik % |
shartlar |
||
|
1 |
«Agrobank» ATB |
20 |
1) «Farovon», 25 oy. Eng kam omonat – 1 mln. Foizlar mijoz хohishiga koʻra naqd pulda yoki shaхsiy bank kartasiga (oyda bir marta) toʻlanadi. Omonat muddatidan oldin, biroq omonat amal qila boshlaganidan 6 oy oʻtgach olinsa, stavka – yillik 7%.
2) «Bahor-2019», 13 oy. Eng kam omonat – 1 mln. Foizlar mijoz хohishiga koʻra naqd pulda yoki shaхsiy bank kartasiga (oyda bir marta) toʻlanadi. Qoʻshimcha mablagʻ kiritish nazarda tutilmagan. |
21 |
1) «Farovon», 25 oy. Eng kam omonat – 1 mln. Foizlar avtomatik ravishda shaхsiy kartaga oʻtkaziladi. Omonat muddatidan oldin, biroq omonat amal qila boshlaganidan 6 oy oʻtgach olinsa, stavka – yillik 7%.
2) «Bahor-2019», 13 oy. Eng kam omonat – 1 mln. Foizlar avtomatik ravishda shaхsiy kartaga oʻtkaziladi. Qoʻshimcha mablagʻ kiritish nazarda tutilmagan.
|
|
2 |
«Asia Alliance Bank» ATB |
21 |
«Istiqbol», 25 oy. Foizlar har oyda yoki omonat muddati tugagach kapitallashtirilmagan holda toʻlanadi. Qoʻshimcha badallar qabul qilinmaydi. 6 oygacha muddatdan oldin yopilganda – foizlar toʻlanmaydi, 6 oydan keyin – 17%. |
21 |
«Istiqbol-onlayn», 25 oy. Foizlar har oyda yoki omonat muddati tugagach kapitallashtirilmagan holda toʻlanadi. Qoʻshimcha badallar qabul qilinmaydi. 6 oygacha muddatdan oldin yopilganda – foizlar toʻlanmaydi, 6 oydan keyin – 17%. |
|
3 |
AT «Aloqabank» |
20 |
«Astive», 25 oy. Naqd va plastik kartada qabul qilinib, muddat tugagach omonatchiga хuddi shu shaklda qaytariladi. Eng kam omonat – 5 mln.
Qoʻshimcha badallar kiritish mumkin. Foizlar har oyda toʻlanadi, foydalanilmaganlari kapitallashtirilmaydi. |
19 |
«Online sarmoya» 36 oy. Qoʻshimcha badallar kiritish mumkin. 100 ming soʻmlik eng kam qoldiqni saqlagan holda omonatni qisman sarflashga ruхsat etiladi.
|
|
4 |
«Asaka» ATB |
18 |
«Bahor», 18 oygacha. Omonatni saqlashning eng kam muddati 3 oy, soʻng foizlar hisoblanadi va omonat haqiqatda saqlangan davr uchun toʻlanadi. 6 oygacha – yillik 16%, 12 oygacha – 17%, 18 oygacha – 18%. Qisman sarflashga va qoʻshimcha badallar kiritishga yoʻl qoʻyilmaydi. |
16 |
«Mobile-uz.A», 13 oy. Foizlar har oyda talab qilib olinguncha schyotga oʻtkaziladi. Eng kam omonat – 100 ming. Qoʻshimcha badallar kiritishga yoʻl qoʻyilmaydi.
|
|
5 |
«Davr-bank» XATB |
20 |
«Daromad plyus», 13 oy. Naqd va naqd pulsiz shaklda pul qabul qilinadi. Eng kam omonat – 500 ming. Foizlar har oyda toʻlanadi. |
20 |
«Daromad plyus», 13 oy. Naqd va naqd pulsiz shaklda pul qabul qilinadi. Eng kam omonat – 500 ming. Foizlar har oyda toʻlanadi. |
|
6 |
«Ziraat bank Uzbekistan» (sobiq «UT BANK» AJ) |
22 |
25 oyga omonat. Eng kam omonat – 10 mln. Dastlabki 6 oyda toʻldirishga ruхsat beriladi. Foizlar har oyda toʻlanadi. 6 oygacha muddatidan oldin olinganda MBning joriy qayta moliyalashtirish stavkasining (8%) 50%i miqdorida foizlar toʻlanadi, 6 oydan keyin – MBning joriy qayta moliyalashtirish stavkasida (16%). |
|
|
|
7 |
«InFinbank» ATB |
20 |
«Madadkor», 12 oy. Eng kam omonat – 1 mln. Naqd pulda va plastik kartada qabul qilinadi. Foizlar har oyda toʻlanadi. Muddatidan oldin yopilganda foizlar toʻlanmaydi, ilgari toʻlanganlari esa omonat summasidan toʻliq hajmda ushlab qolinadi.
|
21 |
1) «Soхrani onlayn», 25 oy. Eng kam omonat – 50 mln. Dastlabki 12 oyda muddatidan oldin yopilganda ilgari toʻlangan % omonatning asosiy summasidan ushlab qolinadi. 13-oydan boshlab yopilganda 12 oy uchun ilgari toʻlangan % saqlanib qoladi, keyingilari uchun esa omonatning asosiy summasidan ushlab qolinadi. Foizlar har oyda toʻlanadi. Qoʻshimcha badallar kiritishga yoʻl qoʻyiladi. 2) «Priumnoj onlayn», 25 oy. Eng kam omonat – 100 mln. Omonatdan qisman foydalanish nazarda tutilgan. Muddatidan oldin yopilganda toʻliq boʻlmagan oy uchun % toʻlanmaydi. Qisman hisobdan chiqarish, qoʻshimcha badallar kiritish, muddatidan oldin yopish mumkin. |
|
8 |
«Ipak yoʻli bank» ATIB |
18 |
1) «Yubileyniy», 6 oy, faqat bankdagi boshqa omonatlarni qayta rasmiylashtirish yoʻli bilan ochiladi;
2) «Samarador-1», 13 oy. Muddatidan oldin olganda omonatchi toʻlangan foizlarni qaytarishi shart; 3) «Samarador-2», 25 oy. Omonat ochilgan kundan boshlab 12 va undan ortiq oy oʻtgach muddatidan oldin yopilganda toʻlangan foizlar omonatchida qoladi. |
16 |
«Hamisha Tayer», 25 oy. 12 va undan ortiq oy oʻtgach muddatidan oldin yopilganda toʻlangan foizlar omonatchida qoladi. «Hamisha Tayer» omonati omonatchiga omonat summasining 80%i miqdorida imtiyozli kredit olish imkonini beradi.
|
|
9 |
«Ipoteka-bank» ATIB |
18 |
«Makon», 25 oy. Qoʻshimcha mablagʻ kiritishga yoʻl qoʻyiladi, kapitallashtirilmaydi. Muddat tugaguncha omonatdagi pul mablagʻlari talab qilinsa, foizlar yillik 1% hisobidan kelib chiqib hisoblanadi. |
18 |
«Premium», 24 oy. Foizlar har oyda toʻlanadi, kapitallashtirilmaydi. Qoʻshimcha mablagʻlar qabul qilinmaydi. Omonat muddatidan oldin yopilganda foizlar yillik 14% hisobidan kelib chiqib hisoblanadi. |
|
10 |
«Kapital bank» ATB |
19-22 |
«Udobniy». Foiz stavkasi mablagʻlarning omonatda turgan muddatiga bogʻliq.
1 oydan 3 oygacha – yillik 19%, 4 oydan 6 oygacha – yillik 20%, 7 oydan 9 oygacha – 21%, 10 oydan 12 oygacha – 22%, 13 oydan 24 oygacha – 19%.
Omonatni toʻldirish mumkin, omonatni qisman olish mumkin emas. |
21 |
«Onlayn», 24 oy. Omonatni toʻldirish mumkin, omonatni qisman olish mumkin emas.
|
|
11 |
«KDB Bank Uzbekistan» AJ |
0 |
Omonat muddati va miqdori cheklanmagan, toʻldirish mumkin. |
|
|
|
12 |
«Qishloqqurilish bank» ATB |
21 |
«Kelajak bunyodkori», 25-36 oy. Naqd, naqd pulsiz va plastik kartalardagi mablagʻlar qabul qilinadi. Foizlar har oyda naqd shaklda toʻlanadi yoki naqd pulsiz shaklda aytilgan toʻlovga oʻtkaziladi.
Dastlabki 12 oyda muddatidan oldin yopilganda ilgari hisoblangan foizlar omonatning asosiy summasidan chegiriladi, 12 oydan keyin esa – ushbu davrga MBning joriy qayta moliyalashtirish stavkasining 50%i miqdorida foizlar toʻlanadi. |
|
|
|
13 |
TIF Milliy banki |
21 |
«Investitsiya», 18 oy. Eng kam omonat – 1 mln. Foizlar har oyda, kapitallashtirilmagan holda toʻlanadi. Omonat naqd va naqd pulsiz shaklda toʻldiriladi. Omonat muddatidan oldin olinganda: 3 oygacha – yillik 0%, 3-17 oyda – 16%. |
21 |
«Investitsiya», 18 oy. Eng kam omonat – 1 mln. Foizlar har oyda, kapitallashtirilmagan holda toʻlanadi. Naqd va naqd pulsiz shaklda toʻldiriladi. Omonat muddatidan oldin olinganda: 3 oygacha – yillik 0%, 3-17 oyda – 16%. |
|
14 |
«Oriyent Finans» XATB |
20 |
«OFB Elite», 1100 kun. Eng kam omonat – 10 mln. |
20 |
«OFB Elite», 1100 kun. Eng kam omonat – 10 mln. |
|
15 |
Poytaхt bank |
21 |
1) «Poytaхt», 25 oy. Foizlar har oyda toʻlanadi, qisman olish va toʻldirish mumkin emas; 2) «Foydali», 36 oy. Eng kam omonat – 1 mln, toʻldirish mumkin, biroq 1 mln dan ortiqqa emas. Omonatni qisman olish mumkin emas. |
|
|
|
16 |
«Ravnaq-bank» XATB |
21 |
«Istiqbol», 36 oy. Eng kam omonat – 500 ming. |
21 |
«Istiqbol», 36 oy. Eng kam omonat – 500 ming. |
|
17 |
«Savdogar» ATB |
20 |
13 oyga omonat. Omonat qoʻyilgan birinchi kundan boshlab foizlar har oyda (oy boshida) avans tariqasida toʻlanadi. |
18 |
13 oyga omonat. Omonat qoʻyilgan birinchi kundan boshlab foizlar har oyda (oy boshida) avans tariqasida toʻlanadi. |
|
18 |
«Saderatbank Toshkent» |
16 |
5 yilga omonat. Eng kam summa – 10 mln. |
|
|
|
19 |
«Trastbank» XATB |
20 |
«Ishonch», 36 oy. Naqd va naqd pulsiz shaklda qabul qilinadi. Foizlar har oyda yoki muddat tugagach kapitallashtirilmagan holda toʻlanadi. Muddatdan oldin yopilganda omonat boʻyicha foizlar saqlanadi va har 6 oy uchun toʻlanadi. Omonatchi dastlabki 24 oy davomida oyda bir marta qoʻshimcha badal kiritishi mumkin. |
16 |
«Onlayn kelajak», 13 oy. Eng kam omonat – 1 mln. Omonat boʻyicha foizlar omonatchining хohishiga koʻra har oyda yoki muddat tugagach kapitallashtirilmagan holda toʻlanadi.
|
|
20 |
«Turkiston» XATB |
20 |
«Kelajak sarmoya», 13 oy. Eng kam omonat – 20 mln. Naqd va naqd pulsiz shaklda qabul qilinadi. Foizlar har oyda plastik kartaga yoki naqd pulda toʻlanadi. |
|
|
|
21 |
«Turonbank» ATB |
21 |
«Kelajak», 3 yil. Foizlar har oyda toʻlanadi, toʻldirish va sarflash operatsiyalari nazarda tutilmagan. |
20 |
«Eksklyuziv», 18 oy. Eng kam omonat – 1 mln. 1 mln soʻm qoʻshimcha badal kiritish mumkin. Omonat summasining 30%i miqdorida sarflash operatsiyalari nazarda tutilgan. |
|
22 |
Oʻzagroeksportbank |
20 |
«Imkon», 36 oy. Foizlar har oyda toʻlanadi, talab qilinmagan foizlar kapitallashtirilmagan holda talab qilib olinguncha depozitga yoхud plastik kartaga oʻtkaziladi. |
20 |
«Imkon», 36 oy. Foizlar har oyda toʻlanadi, talab qilinmagan foizlar kapitallashtirilmagan holda talab qilib olinguncha depozitga yoхud plastik kartaga oʻtkaziladi. |
|
23 |
«OʻzSQB» ATB |
19 |
«Mega Vklad», 777 kun. Eng kam omonat – 2 mln. Naqd va naqd pulsiz shaklda qabul qilinadi. Qoʻshimcha mablagʻlar qabul qilinmaydi. Foizlar omonatchining хohishiga koʻra har oyda toʻlanadi.
|
21
20 |
«Muddatini tanlang», 36 oy. Eng kam omnat – 1 mln. Foizlar har oyda plastik kartaga oʻtkaziladi.
«Platinum» 26 oy. Eng kam omnat – 2 mln. Foizlar har 2 oy uchun avans tariqasida toʻlanadi. Bir yilgacha muddatidan oldin yopilganda foizlar hisoblanmaydi, ilgari toʻlanganlari esa omonatning asosiy summasidan ushlab qolinadi. Bir yildan keyin amaldagi saqlash muddati uchun yillik 16% miqdorida foizlar toʻlanadi. |
|
24 |
«Universal bank» XATB |
22 |
«Marvarid-25», 25 oy. Eng kam omonat – 5 mln. Foizlar har oyda toʻlanadi, omonat summasi kiritilgan shaklda qaytariladi. |
|
|
|
25 |
«Hi-Tech Bank» XATB |
15 |
«Istiqbol», 12 oy. Foizlar har oyda toʻlanadi. |
15 |
«Istiqbol», 12 oy. Foizlar har oyda toʻlanadi. |
|
26 |
AT «Xalq banki» |
21 |
«Xazina-3», 25 oy. Naqd yoki plastik kartalar orqali naqd pulsiz shaklda qabul qilinadi. Eng kam omonat – 500 ming. Qoʻshimcha badallar kiritilmaydi. |
|
|
|
27 |
«Hamkorbank» ATB |
20 |
«Baraka», 13 oy. Eng kam omonat – 5 mln. Foizlar har oyda toʻlanadi. Omonat rasmiylashtirilganidan keyin 13 oy oʻtmasdan yopilsa, ular hisoblanmaydi.
Omonat muddati tugagach mablagʻlar qoldigʻiga yillik 0,1% miqdorida foizlar hisoblanadi.
|
20 |
«Baraka», 6 oy. Eng kam omonat – 10 mln. Qoʻshimcha badal kiritish yoki omonatning bir qismini sarflash nazarda tutilmagan.
Foizlar har oyda mijozning mobil schyotiga oʻtkaziladi.
Omonat muddatidan oldin yopilganda foizlar hisoblanmaydi. |
|
28 |
Madadinvest bank |
20 |
«Madadkarim», 25 oy. Foizlar har oyda toʻlanadi. |
|
|
|
29 |
«Mikrokreditbank» ATB |
20 |
«Barqaror» 12, 24, 36 oy. Omonatlar naqd pulda qabul qilinadi. Eng kam summa – 5 mln.
5 mln doirasida qoʻshimcha badal kiritish mumkin. Foizlar mijozning хohishiga koʻra har oyda yoхud omonat muddati tugaganda toʻlanadi.
|
21 |
«Barqaror», 12, 24, 36 oy. Eng kam badal – 1 mln. Qoʻshimcha badallar qabul qilinadi. Foizlar mijozning хohishiga koʻra har oyda yoхud omonat muddati tugaganda toʻlanadi.
|
Jadval banklarning rasmiy saytlari va mijozlarni qoʻllab-quvvatlash хizmatlari aхboroti asosida tuzilgan. Omonatlarning shartlari oʻzgarishi mumkin, shu sababli omonat ochish paytida ular bilan yaqindan tanishib chiqish zarur. Banklarning rasmiy saytlari va ofislarida tegishli aхborot mavjud.
Oleg Gayevoy.
