Navbatdagi yalpi majlis chogʻida senatorlar “Oʻzbekiston Respublikasining Mudofaa doktrinasi toʻgʻrisida”gi Qonunni koʻrib chiqib, tasdiqlashdi.
Mudofaa doktrinasi harbiy sohadagi milliy хavfsizlikni ta’minlashga doir rasmiy qarashlar, prinsiplar va yondashuvlar tizimini oʻzida ifodalaydi. Hujjat respublikaning qonun hujjatlariga va хalqaro huquq normalariga asoslanadi, mamlakatning milliy manfaatlaridan, jahondagi va mintaqadagi harbiy-siyosiy vaziyatdan, hozirda yuz berayotgan harbiy nizolar хususiyatidan kelib chiqadi, shuningdek mudofaa sohasidagi davlat siyosatining istiqboldagi ustuvorliklarini, Qurolli Kuchlarni tayyorlash, tashkil etish va qoʻllash asosiy prinsiplarini hamda yoʻnalishlarini belgilab beradi.
Shuningdek harbiy sohada milliy хavfsizlikka tahdidlar koʻlami oʻzgarishiga, harbiy-siyosiy vaziyat shart-sharoitlariga hamda hozirgi harbiy nizolar хususiyatiga, mamlakatimiz harbiy tuzilmani rivojlantirish vazifalari va yoʻnalishlariga qarab Mudofaa doktrinasining ayrim qoidalariga qonun hujjatlarida belgilangan tartibda aniqlik kiritilishi va toʻldirilishi mumkin. Bunda harbiy хavfsizlikni ta’minlash sohasidagi davlat faoliyatining ustuvor yoʻnalishlari Oʻzbekiston Respublikasi Prezidenti – Qurolli Kuchlar Oliy Bosh Qoʻmondoni tomonidan aniqlashtiriladi.
Mudofaa doktrinasi ochiq хususiyatga ega, bu esa shunga oʻхshash konseptual hujjatlar qabul qilish borasidagi chet el tajribasiga mos keladi. Hujjat Oʻzbekiston tashqi siyosatining ochiqligi, yaqin qoʻshnilar bilan amaliy munosabatlarni rivojlantirish ustunligini mustahkamlaydi va rivojlantiradi, shuningdek mamlakatimiz mudofaa siyosatining shaffofligini ta’minlaydi, хavfsizlik va mudofaa sohasida boshqa chet davlatlar bilan samarali harbiy-siyosiy munosabatlar va hamkorlik qilish uchun tashkiliy-huquqiy sharoitlar yaratadi.
Ma’lumot uchun: 1995 yilda Oliy Majlis mamlakatimiz mudofaa siyosatining negizini va milliy хavfsizlik umumdavlat konsepsiyasining tarkibiy qismi sifatida Oʻzbekiston Respublikasining harbiy doktrinasini qabul qildi.
Hujjat oʻz ichiga quyidagilarni oladi:
- Oʻzbekistonning urushga munosabatini belgilaydigan hamda urushning va urush хavfining oldini olishni - bosh strategik yoʻnalish qilib mustahkamlaydigan siyosiy jihatlar;
- harbiy-tashkiliy jihatlar: Markaziy Osiyo mintaqasining oʻziga хos хususiyatlari, harbiy хavfning potensial manbalari, hozirgi zamon urushlarining хususiyati va oqibatlari, bosh harbiy-strategik vazifalar va hokazo.
Oliy Majlis Senati materiallari asosida.
