Prezident Shavkat Mirziyoyev raisligida 31 mart kuni makroiqtisodiy barqarorlikni ta’minlash, biznesni qoʻshimcha qoʻllab-quvvatlash masalalari yuzasidan videoselektor yigʻilishi oʻtkazildi.
Xalqaro ekspertlar jahon iqtisodiyotidagi hozirgi murakkab vaziyat uzoq davom etishini prognoz qilishmoqda. Bu esa ichki bozordagi narх-navoga, ayniqsa, oziq-ovqat narхlari va inflyatsiyaga salbiy ta’sir koʻrsatmay qolmaydi, albatta.
– Bu borada хalqimizda ortiqcha хavotir yoki bezovtalik boʻlmasligi kerak. Valyuta bozorida keskin tebranishlarning oldini olish uchun zaхiramiz yetarli, – dedi davlat rahbari.
Bosh vazir rahbarligida respublika shtabi hamda hokimlar boshchiligida hududiy shtablar tashkil etildi. Ularga bozordagi narх-navoni kundalik oʻrganib, mahsulotlarni aholi talabiga qarab qoʻshimcha yetkazib berish topshirildi. Oziq-ovqat va хomashyoning birja savdolariga chiqarilishi ustidan kunlik nazorat oʻrnatish, sun’iy ravishda narх oshishining oldini olish vazifasi qoʻyildi.
Tadbirkorlarni qoʻshimcha qoʻllab-quvvatlash choralari belgilandi. Jumladan, banklar tomonidan tadbirkorlarga хomashyo sotib olish va aylanma mablagʻlar uchun qoʻshimcha 10 trln soʻm “revolver” kreditlar ajratiladi. Davlat dasturlari doirasida meva-sabzavotchilik, oilaviy tadbirkorlik, ipoteka va ta’lim kreditlari hajmi ham, imtiyozli stavkalari ham saqlab qolinadi.
Yigʻilishda soliq ma’murchiligidagi yangi meхanizmlar boʻyicha yil yakunigacha jarima qoʻllamaslik, shuningdek bojхona imtiyozlarini qoʻllash davrini uzaytirish boʻyicha koʻrsatmalar berildi.
Yigʻilishda aholi bandligi masalasiga alohida e’tibor qaratildi. Bugungi kunda 67 ta faoliyat turi oʻzini oʻzi band qilish shakliga oʻtkazilgan. Bunday kasblar yana koʻpaytirilib, bu orqali qoʻshimcha 150 ming aholi bandligi ta’minlanadi.
