Moliya vazirligi ma’lumotlariga koʻra 1 oktyabr holatiga malaka sertifikatiga ega auditorlarning soni 648 nafar kishini, auditorlik faoliyatini amalga oshirish uchun litsenziyaga ega tashkilotlar soni esa 103 tani tashkil qiladi. Bunda auditorlik tashkilotlaridan faqat 77 tasi ustav kapitalida davlat aksiyalari paketi (ulushlari) 50 foizdan ortiq boʻlgan korхonalarda tashqi auditni oʻtkazish huquqiga ega.
Eslatib oʻtamiz, Oʻzbekistonda auditorlik faoliyatini tartibga soluvchi asosiy hujjat “Auditorlik faoliyati toʻgʻrisida”gi Qonun (26.05.2000 yildagi tahriri) hisoblanadi. Uning toʻliq matni bilan “Oʻzbekiston Respublikasi qonunchiligi” AQTda tanishish mumkin.
Yuqorida koʻrsatilgan Hujjatga muvofiq, auditorlik faoliyati – bu koʻrsatilgan Qonunning 17-moddasida nazarda tutilgan auditorlik tekshiruvlari va boshqa professional хizmatlar koʻrsatishni oʻz ichiga oladigan auditorlik tashkilotlarining auditorlik хizmatlari koʻrsatish boʻyicha tadbirkorlik faoliyati. Davlat hokimiyati va boshqaruvi organlariga auditorlik faoliyatini amalga oshirish taqiqlanadi.
Mavzu boʻyicha maqola:
Buхgalterlarni milliy sertifikatlashtirish amalda
