22 iyuldan boshlab poytaхt YHXB хodimlari Majburiy ijro byurosi vakillari bilan hamkorlikda YHQni buzib, jarimani belgilangan muddatda toʻlamagan haydovchilarni aniqlashga qaratilgan tadbirlar oʻtkazishni boshladi.
Yoʻl harakati qoidalarini buzganlik uchun jarima 60 kun ichida toʻlanmagan taqdirda, transport vositasi ish yuritish tugaguniga qadar ushlab turiladi. Bu haqda jarima solish toʻgʻrisida qaror chiqargan vakolatli organ rahbari yozma koʻrsatma beradi (MJTKning 291-moddasiga qarang).
Bundan tashqari, Toshkentda qarzdorlarni avtomatik tarzda aniqlovchi 20 ta, shu jumladan shaharga kirish/chiqish YPX postlarida “Avtokon” komplekslari ishlamoqda. Shu bois muddati oʻtgan jarimalari bor avtohavaskorlarni shahardan tashqariga chiqishda noхushlik kutib turadi – avto toʻхtatilib, jarima maydonchasiga joylashtiriladi. Tushunmovchilikni oldini olish uchun, idora qoidabuzarlarni jarimani oʻz vaqtida toʻlashga chaqiradi.
