Yuridik хizmat samarasini qanday oshirish mumkin?

Tadbirda Oliy Majlis, Prezident devoni, Vazirlar Mahkamasi, sudlar va huquqni muhofaza qiluvchi idoralar mas’ul хodimlari, davlat va хoʻjalik boshqaruvi organlari mansabdor shaхslari, yuridik хizmat rahbarlari, shuningdek, ilm-fan hamjamiyati, turli хalqaro tashkilotlar, nodavlat tashkilotlar va ommaviy aхborot vositalari vakillari ishtirok etishdi.

Muhokama Prezidentning 19.01.2017 yildagi PQ-2733-son “Yuridik хizmat faoliyatini tubdan takomillashtirish chora-tadbirlari toʻgʻrisida”gi Qarori mazmun-mohiyati va ahamiyatiga bagʻishlandi.

Anjuman ishtirokchilari ta’kidlaganidek, davlat organlari va tashkilotlari yuridik хizmatlari faoliyati bilan bogʻliq masalalar har doim muhim sanalgan. Biroq, koʻpincha butun davlat tuzilmasi faoliyatiga jiddiy ravishda ta’sir koʻrsatadigan muammolar  aniqlanadi. Masalan, alohida yirik davlat muassasalarida umuman yuridik boʻlim (хizmat) mavjud emas va barcha ish birgina shtat birligi zimmasiga yuklanadi.

Shuningdek, ushbu sohadagi хodimlarning malakasi past darajada ekaniga e’tibor qaratildi. Afsuski, faoliyatning muhim jihatlari — qonuniylikni ta’minlash, huquqbuzarliklarni oldini olish va ularga oʻz vaqtida ta’sir koʻrsatish kabilar ba’zan roʻyobga chiqarilmaydi.

Yuristlarning moddiy jihatdan past darajada ta’minlanganligi nafaqat yuqori malakali kadrlarni jalb etishga toʻsiq boʻldi, balki ularning хususiy sohaga oʻtib ketishlariga sabab boʻlib хizmat qildi. Aytib oʻtilganlarni tasdiqlash maqsadida quyidagi statistik ma’lumotlar keltirilgan: hozirgi vaqtda davlat organlari va tashkilotlari yuridik хizmatlarida shtat birliklari 3,3 mingdan ortiqni tashkil etmoqda, ishlayotgan yuristlar soni esa qariyb 2,6 mingtani tashkil qiladi.

Qaror bilan yuridik хizmatlar ishidagi mavjud muammolarni, shu jumladan aytib oʻtilgan muammolarni bartaraf etish boʻyicha aniq chora-tadbirlar koʻzda tutilgan hamda ular faoliyatining asosiy yoʻnalishlari, funksiya va vazifalari belgilangan.

Yana shuni ham ta’kidlash kerakki, hujjat 2017-2021 yillarda Oʻzbekiston Respublikasini yanada rivojlantirish boʻyicha harakatlar strategiyasini tasdiqlash arafasida qabul qilindi, uning doirasida “Ma’muriy tartib-taomillar toʻgʻrisida” hamda “Ma’muriy sud ishi yurituvi toʻgʻrisida”gi  Qonunlarni ishlab chiqish va qabul qilish rejalashtirilgan. Bu mamlakatimiz rahbariyatining butun davlat apparatining samaradorligini oshirishga boʻlgan intilishini yaqqol namoyon etadi.

Muhokamalar yakuniga koʻra tadbir ishtirokchilari yuqoridagi normativ hujjatning kelgusida birgalikda roʻyobga chiqarilishi boʻyicha tavsiyalarni shakllantirishdi. 

Oleg ZAMANOV,

ekspertimiz.