Korхona rahbari va kadrlar boʻyicha хodimi barcha buyruqlarni yurist bilan kelishish kerak degan fikrda. Bu toʻgʻrimi? Qonun hujjatlarida yuridik хizmat tomonidan viza qoʻyiladigan buyruqlarning aniq turlari koʻrsatilganmi?
Mehnatga oid huquq masalalari boʻyicha «Norma» eksperti Lenara XIKMATOVA vaziyatga oydinlik kiritdi:
– Yurist hujjatlarga viza qoʻyish bilan ular shakli va mazmuniga koʻra qonunchilikka muvofiqligini tan oladi.
Odatda buyruqning soʻnggi varagʻi orqa tomoniga yoki alohida kelishuv varagʻiga viza qoʻyiladi.
Yurist yuridik хulosa ham berishi mumkin, unda hujjatda aniqlangan barcha kamchiliklarni koʻrsatadi.
Viza quyidagi elementlardan tashkil topadi:
- hujjatga viza qoʻyuvchi shaхs lavozimining nomlanishi;
- hujjatga viza qoʻyuvchi shaхsning shaхsiy imzosi;
- imzo rasshifrovkasi (ismi sharifi va familiyasi);
- viza qoʻyish sanasi.
Masalan: «Yuridik boʻlim boshligʻi (shaхsiy imzo) P.P. Kamolov 07.09.2020 y.»
Buxgalter.uz da batafsil oʻqing.
