QHTBT portalida Prezidentning «Ish haqi, pensiyalar, nafaqalar va boshqa toʻlovlarning miqdorlarini belgilash tartibini takomillashtirish toʻgʻrisida»gi Farmoni loyihasi taqdim etilgan.
1 iyuldan EKIHga bogʻlanish tartibini bekor qilgan holda ish haqi, pensiyalar, jarimalar, yigʻimlar va boshqa toʻlovlarning miqdorlarini belgilashga tabaqalashtirilgan yondashuvni belgilash taklif qilinmoqda. Buning uchun turli miqdordagi va alohida sohalarda qoʻllaniladigan quyidagi hisob-kitob koʻrsatkichlari joriy etiladi:
|
Hisob-kitob koʻrsatkichining nomi
|
Miqdori (soʻmda) |
Qoʻllash sohasi |
|
Mehnat haqining eng kam miqdori (MHEKM)
|
577 170 |
Absolyut summada belgilanadi va bir vaqtning oʻzida «1,0» tarif koeffitsiyenti bilan YaTSning birinchi razryadi oylik tarif stavkasi son koʻrsatkichi hisoblanadi.
Quyidagilarni belgilash uchun mehnat munosabatlari sohasida qoʻllaniladi:
Barcha turdagi ustamalar, qoʻshimcha toʻlovlar va boshqa toʻlovlar mazkur toʻlovlarning summadagi qiymatlarini saqlab qolgan holda qayta hisoblanadi.
Bu – muhim! Belgilangan mehnat normalarini toʻliq bajargan хodimlarning mehnat haqi eng quyi chegarasi sifatida, mulkchilik va mehnat munosabatlari shaklidan qat’i nazar, barcha ish beruvchilar uchun majburiy hisoblanadi. |
|
Bazaviy hisob-kitob summasi (BHS) |
202 730 |
Quyidagi hollarda qoʻllaniladi:
1) soliqlar, yigʻimlar, jarimalar, davlat bojlari, stipendiyalar va taqdim etiladigan davlat хizmatlari uchun boshqa toʻlovlarning miqdorlarini belgilash uchun;
2) oilaning ijtimoiy yordamga muhtojligini belgilashda;
3) quyidagilarni belgilashda bazaviy qiymatlar sifatida:
|
|
Hisob-kitob pensiya koʻrsatkichi (HPK) |
202 730 |
Pensiya va ijtimoiy ta’minot, shuningdek mehnatda mayiblanish munosabatlari sohasida qoʻllaniladigan pensiyalar, ustamalar, qoʻshimcha toʻlovlar va kompensatsiyalarni hisoblab chiqarish uchun qoʻllaniladi. |
YaTS absolyut summadagi nafaqalar, kompensatsiyalar va toʻlovlarning ayrim turlari miqdorlarini ham qayta koʻrib chiqishlari va belgilashlari kerak boʻladi.
Eslatib oʻtamiz, MHEKMni belgilash tartibini qayta koʻrib chiqish, soliq va boshqa toʻlovlarni EKIH miqdoriga bogʻlashdan voz kechish 2019 yilgi Davlat dasturida nazarda tutilgan. 2019 yil 1 yanvardan boshlab esa 14 yoshgacha boʻlgan bolalari bor oilalarga nafaqalar, bola 2 yoshga toʻlgunga qadar uning parvarishi boʻyicha nafaqalar, kam ta’minlangan oilalarga moddiy yordam, Qoraqalpogʻiston Respublikasi va Xorazm viloyatidagi muhtoj oilalarga bir martalik moddiy yordamning qat’iy belgilangan miqdorlari joriy etilgan.
Loyiha oʻzgartirilishi, unga qoʻshimcha kiritilishi yoki rad etilishi mumkin.
Lenara Xikmatova.
