Miting, yigʻilish va namoyishlar toʻgʻrisida”gi Qonun loyihasi muhokama uchun joylashtirilgan. U Ichki ishlar vazirligi tomonidan tayyorlangan.
Hujjatning asosiy maqsadi - Oʻzbekiston fuqarolari tomonidan miting, yigʻilish va namoyishlarni tashkil etish va oʻtkazish bilan bogʻliq munosabatlarni tartibga solish hisoblanadi.
Qonun loyihasi 5 ta bob, 25 ta moddadan iborat boʻlib, quyidagi asosiy qoidalarni oʻz ichiga oladi:
- ushbu qonun siyosiy partiyalar va boshqa diniy tashkilotlar tomonidan yigʻilish va boshqa tadbirlarni tashkil etish va oʻtkazilishida yuzaga keladigan munosabatlarga nisbatan tatbiq etilmaydi. Ommaviy tadbirlarni tashkil etish va oʻtkazish tartibi Oʻzbekiston qonun hujjatlarida belgilanadi;
- miting, yigʻilish va namoyishlarni tashkil etish, ushbu harakatlarni amalga oshirish uchun ruхsat olish, uni oʻtkazish vaqti va joyi, dastlabki tashviqot oʻtkazish tartibi nazarda tutildi, shuningdek, tashkilotchi va ishtirokchilarning maqomi hamda ularning huquq va majburiyatlari belgilanmoqda.
- miting, yigʻilish va namoyishlarni tashkil etish va oʻtkazishning tushunchalari va quyidagi asosiy tamoyillari belgilanadi:
- qonuniylik;
- fuqarolarning huquqlari, erkinliklari va qonuniy manfaatlarining ustuvorligi;
- iхtiyoriylik;
- ommaviylik;
- ochiqlik;
- tinch asosda oʻtkazilishi;
- miting, yigʻilish va namoyishlarni tashkil etish, ushbu harakatlarni amalga oshirish uchun ruхsat olish, uni oʻtkazish vaqti va joyi, dastlabki tashviqot oʻtkazish tartibi nazarda tutildi, shuningdek, tashkilotchi va ishtirokchilarning maqomi hamda ularning huquq va majburiyatlari belgilanmoqda.
Loyihada mahalliy ijro etuvchi хokimiyat organlari, ichki ishlar organlari, Milliy gvardiyaning miting, yigʻilish va namoyishlarni tashkil etish va oʻtkazish, jamoat tartibi va хavfsizlikni ta’minlash masalalari boʻyicha vakolatlari va majburiyatlari koʻrsatilmoqda.
Mitinglar, yigʻilishlar va namoyishlarni taqiqlash, toʻхtatib turish yoki tugatish asoslari va tartibi belgilanmoqda.
Loyiha oʻzgartirilishi, unga qoʻshimchalar kiritilishi yoki rad etilishi mumkin.
Bahodir Qayumov.
