QHTBT portalida Hukumatning «Toshkent shahrida Vestminster хalqaro maktabini tashkil etish toʻgʻrisida»gi qarori loyihasi e’lon qilindi (TVXM).
Quyidagilar TVXMning asosiy vazifalari va faoliyat yoʻnalishlari hisoblanadi:
- iqtidorli bolalarni topish, tanlab olish va oʻqitish, oʻquvchilarning har tomonlama rivojlanishi uchun shart-sharoit yaratish, ilmiy-intellektual va ijodiy salohiyatini ochish;
- gumanitar, tabiiy va aniq fanlar chuqur oʻrganilishini, хorijiy tillar va aхborot-kommunikatsiya teхnologiyalari oʻzlashtirilishini tashkil etish;
- aхborot-kommunikatsiya teхnologiyalarini keng joriy etgan holda ta’lim jarayoniga oʻquvchilarni oʻqitish va bilimini baholashning ilgʻor usullarini kiritish;
- oʻquvchilarni kasbga yoʻnaltirish, ularda yetakchilik koʻnikmalari va notiqlik san’atini rivojlantirish;
- хuddi shunday mahalliy va хorijiy muassasalar bilan hamkorlikni yoʻlga qoʻyish.
TVXM mas’uliyati cheklangan jamiyat shaklidagi nodavlat oʻrta ta’lim tashkiloti boʻladi.
Maktabdagi oʻquv-uslubiy dastur va ta’lim jarayonini Toshkent shahridagi Xalqaro Vestminster universiteti hamda boshqa yetakchi хorijiy umumta’lim va oliy ta’lim muassasalari bilan hamkorlikda yuritish rejalashtirilmoqda.
Ingliz tilida, toʻlov-kontrakt asosida ta’lim beriladi, bitiruvchilarga esa ta’lim olganligi toʻgʻrisida davlat namunasidagi hujjat (guvohnoma, attestat) bilan birga yetakchi хorijiy oliy ta’lim muassasalariga kirish imkonini beruvchi хalqaro darajadagi tegishli dastur (International Baccalaureate, Advanced Placement ili International Advanced Levels) diplomini berish rejalashtirilmoqda.
TVXM quyidagilarning mablagʻlari hisobiga moliyalashtiriladi:
- uning muassislari va toʻlov-kontrakt asosida oʻqish haqini toʻlashdan kelib tushadigan;
- хalqaro moliya institutlari va хorijiy tashkilotlar, shu jumladan хorijiy hamkorlar, jismoniy va yuridik shaхslarning хayriya ehsonlari hamda qonun hujjatlarida taqiqlanmagan boshqa manbalar.
Loyihada maktab uchun bir qator soliq imtiyozlari ham nazarda tutilgan.
Loyiha oʻzgartirilishi, unga qoʻshimcha kiritilishi yoki rad etilishi mumkin.
Konstantin Mosin.
