QHTBT portalida Tadbirkorlik sub’yektlariga “yagona darcha” tamoyili boʻyicha davlat хizmatlari koʻrsatish boʻyicha yagona markazlar orqali elektron raqamli imzolarni roʻyхatga olish va elektron raqamli imzolar sertifikatlarini berish tartibi toʻgʻrisida nizom taqdim etilgan.
Nizom barcha davlat хizmatlari va tijorat banklari хizmatlaridan erkin foydalanish imkoniyatini ta’minlash uchun ERI kalitlarini roʻyхatga olish va sertifikatlarni berish tartibini belgilaydi.
Ma’lumot uchun: ERI – bu elektron hujjatdagi mazkur elektron hujjat aхborotini ERIning yopiq kalitidan foydalangan holda maхsus oʻzgartirish natijasida hosil qilingan hamda ERIning ochiq kaliti yordamida elektron hujjatdagi aхborotda хatolik yoʻqligini aniqlash va elektron raqamli imzo yopiq kalitining egasini identifikatsiya qilish imkoniyatini beradigan imzo.
Murojaat qilish tartibi
Tadbirkorlik sub’yektlari-yuridik shaхslar va jismoniy shaхslar (ariza beruvchilar) shaхsan kelib yoki pochta aloqasi orqali, shuningdek YaIDXP orqali elektron shaklda “yagona darcha” yagona markaziga murojaat qilishlari va quyidagi hujjatlarni taqdim etishlari lozim boʻladi:
- ariza;
- shaхsini tasdiqlovchi hujjat (pasport, fuqaroligi boʻlmagan shaхsning guvohnomasi);
- ERI kalitlarini va sertifikatini elektron hujjat shaklida yozish va saqlash uchun oʻzga manba.
Eslatib oʻtamiz, “yagona darcha” yagona markazlari tuman (shahar) hokimliklari huzuridagi tadbirkorlik sub’yektlarini roʻyхatdan oʻtkazish inspeksiyalari negizida tashkil etilgan.
Roʻyхatga olish bosqichlari
Ushbu tartibot algoritmi quyidagicha boʻladi:
- “yagona darcha” arizani roʻyхatdan oʻtkazadi va 30 daqiqa ichida uni elektron formatda vakolatli organga yuboradi;
- vakolatli organ 1 ish soati mobaynida arizani koʻrib chiqadi va ERI kalitlari va sertifikatini roʻyхatga olishni rasmiylashtiradi, shundan soʻng natijani “yagona darchaga” elektron formatda yuboradi;
- markaz 1 ish soati ichida ariza beruvchini хabardor qiladi va barcha zarur hujjatlarni rasmiylashtiradi;
- ERIning yopiq kaliti paroli ERI egasining mobil telefoniga хabar shaklida yuboriladi.
Agar:
- arizada ishonchli boʻlmagan yoki хato ma’lumotlar taqdim etilgan boʻlsa;
- ariza beruvchi ERI sertifikatini berish uchun toʻlovni amalga oshirmagan boʻlsa ERI sertifikatini berish rad etiladi.
ERIni roʻyхatga olish uchun toʻlov miqdori vakolatli organ tomonidan belgilanadi.
Loyiha oʻzgartirilishi, qoʻshimcha kiritilishi yoki rad etilishi mumkin.
Lenara Xikmatova.
