Вазирлар Маҳкамасининг 19.07.2017 йилдаги 527-сон қарори билан пойтахтда ва пойтахт вилоятида бошқа вилоятликлар, чет элликлар ва фуқаролиги бўлмаган шахсларга кўчмас мол-мулкни сотиш шартлари белгиланди.
Эндиликда Тошкент шаҳри ва Тошкент вилоятида доимий пропискага эга бўлмаган Ўзбекистон фуқаролари, шунингдек чет элликлар ва фуқаролиги бўлмаган шахслар ҳам шу жойларда кўчмас мол-мулкни сотиб олишлари мумкин.
Бунда сотиб олинаётган кўчмас мол-мулкнинг тури ва қиймати ҳамда ҳисоб-китобни амалга ошириш тартиби муҳим аҳамиятга эга (қуйидаги жадвалга қаранг).
|
Субъект |
Битим шартлари |
Битимни нотариал тасдиқлаш учун давлат божи ставкаси
|
|
Тошкент шаҳри ва Тошкент вилоятида доимий пропискага эга бўлмаган Ўзбекистон фуқароси |
кўчмас мол-мулкни сотиб олиш: – Тошкент шаҳри ва Тошкент вилоятидаги янги қурилган уй-жойларда – қиймати ЭКИҲнинг 2500 бараваридан кам бўлмаган миқдорда – банк ҳисобварақлари орқали ҳисоб-китобларни амалга ошириш билан
|
шартнома суммасининг 5%и миқдорида |
|
Тошкент шаҳри ва Тошкент вилоятига республиканинг бошқа минтақаларидан келган ва ушбу минтақаларда доимий пропискага эга бўлган чет эл фуқаролари ёки фуқаролиги бўлмаган шахслар |
кўчмас мол-мулкни сотиб олиш: – Тошкент шаҳри ва Тошкент вилоятидаги янги қурилган уй-жойларда – қиймати ЭКИҲнинг 2500 бараваридан кам бўлмаган миқдорда – банк ҳисобварақлари орқали ҳисоб-китобларни амалга ошириш билан
|
шартнома суммасининг 5%и миқдорида |
|
Тошкент шаҳри ва Тошкент вилоятига бошқа давлатлардан келган ва яшаш гувоҳномасини олган чет эл фуқароси ёки фуқаролиги бўлмаган шахс
|
кўчмас мол-мулкни сотиб олиш: – Тошкент шаҳри ва Тошкент вилоятидаги янги қурилган уй-жойларда – шартнома тузилган санадаги МБ курси бўйича қиймати 150 минг АҚШ долларидан кам бўлмаган миқдорда – Ўзбекистоннинг ваколатли банкларидан хорижий валютани сотиш орқали олинган миллий валютада банк ҳисобварақлари орқали ҳисоб-китобларни амалга ошириш билан |
шартнома суммасининг 10%и миқдорида |
Янги қурилган уй-жой деганда фойдаланишга топширилган пайтдан эътиборан 3 йил ўтмаган бино ва иншоот тушунилади. Янги қурилган уй-жойдаги кўчмас мол-мулкка мулк ҳуқуқи туман (шаҳар) ҳокимининг тегишли далолатномани тасдиқлаш ҳақидаги қарори асосида вужудга келади1.
Жадвалда кўрсатилган шартлар бўйича сотиб олинган кўчмас мол-мулк кейинчалик сотиб олинган кундан эътиборан 3 йил мобайнида қайта расмийлаштирилган тақдирда олди-сотди, алмаштириш ва ҳадя қилиш шартномаларини нотариал тасдиқлаганлик учун ЭКИҲнинг 400 баравари миқдорида давлат божи ундирилади
|
Бу муҳим!
Шу тариқа, белгиланган шартларда уй-жой майдонини сотиб олган шахслар Рўйхатнинг 1-бандига мувофиқ Тошкент шаҳри ва Тошкент вилоятида доимий пропискага эга бўлиш учун даъвогар бўлишлари мумкин
|
Вазирлар Маҳкамасининг 16.02.2012 йилдаги 41-сон қарорига, шунингдек Давлат божи ставкаларига тегишли қўшимчалар киритилди.
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.
Олег Заманов,
экспертимиз.
1Қурилиши тугалланган бинони ва иншоотни фойдаланишга қабул қилиш тўғрисидаги далолатнома.
