Давлат хизматларидан ўзи келиб фойдаланганда 1,5 мингдан ортиқ махсус рақамли имзо планшетлари ЭРИсиз ишлашга ёрдам беради.
Давлат хизматлари агентлиги одамларнинг электрон рақамли имзони сотиб олиш ва ундан фойдаланиш билан боғлиқ норозиликларига шундай муносабат билдирди.
Ҳозирча рақамли имзо планшетлари марказларда икки турдаги давлат хизматини кўрсатиш жараёнида йўлга қўйилади: болани боғча жойлаштириш ва судланмаганлик ҳақида маълумотнома олиш. Бироқ вақти билан уларнинг кўлами кенгаяди.
Хизматлардан фойдаланувчилар нуқтаи назарига кўра, мазкур идентификациялаш усулининг афзаллиги яққол кўринади ва бу унинг ЭРИдан тубдан фарқ қилишида намоён бўлади.
биринчидан, пул тежалади. ЭРИни олиш учун жисмоний шахслар БҲМнинг 7%и (15 610 сўм), юридик шахслар эса 10%и (22 300 сўм) миқдорида давлат божи тўлайди. Рақамли имзо планшетидан фойдаланган ҳолда аризаларни имзолаш бепул.
иккинчидан, қулайлик ва вақтни тежаш. ЭРИ физик ахборот ташувчига (USB-флешка, қаттиқ диск ёки мобиль телефон) ёзиб берилади ва усиз, тегишинча, ишламайди. ЭРИ сертификатини расмийлаштириш учун қўшимча равишда муайян вақт талаб этилади.
