Prezidentning 02.07.2018 yildagi “2018 yilda maktabgacha ta’lim muassasalarinn qurish, rekonstruksiya qilish va kapital ta’mnrlash manzilli dasturi toʻgʻrnsida”gi PQ-3822-son qarori e’lon qilindi. Uni amalga oshirish uchun 1,25 trillion soʻmdan ortiq mablagʻ yoʻnaltiriladi.
Dasturga 367 ta ob’yekt kiritilgan. Yil oхirigacha umumiy quvvati 7 775 oʻrinli 40 ta bolalar bogʻchasini qurish rejalashtirilayotir. Bundan tashqari, 298 ta maktabgacha ta’lim muassasasi (keyingi oʻrinlarda – MTM) rekonstruksiya qilinadi va 29 tasi kapital ta’mirlanadi. Moliyalashtirish Prezidentning 2018 yil 3 fevraldagi PQ-3507-son qarori bilan tasdiqlangan markazlashtirilgan kapital qoʻyilmalar limitlari, respublika byudjeti, Qoraqalpogʻiston, viloyatlar va Toshkent shahar byudjeti hisobidan amalga oshiriladi.
Davlat MTMning qurilishi 60 dan 385 oʻringacha moʻljallangan namunaviy loyihalar asosida amalga oshiriladi.
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi “Yagona buyurtmachi хizmati” injiniring kompaniyalari MTMni qurish, rekonstruksiya qilish va kapital ta’mirlash boʻyicha buyurtmachi etib belgilandi. Tashqi muhandislik kommunikatsiyalarining qurilishi “Oʻzbekenergo" AJ va “Oʻztransgaz” AJ tashkilotlari tomonidan ushbu tashkilotlarning oʻz mablagʻlari hisobidan amalga oshiriladi.
Hujjat Qonun hujjatlari ma’lumotlari milliy bazasida e’lon qilingan va 03.07.2018 yildan kuchga kirdi.
Oleg Gayevoy.
