Belarus mashinalari aksizdan ozod etildi

Prezidentning 8.02.2017 yildagi PQ–2762-son Qarori bilan ushbu hujjatga kiritilgan tuzatishlarga koʻra, Belarus Respublikasida ishlab chiqarilayotgan va u yerdan olib kelinayotgan yangi transport vositalariga endi tasdiqlangan aksiz soligʻi stavkalari tatbiq etilmaydi.

Xususan, bu mashinalarning quyidagi turlariga taalluqli:

• yangi egarli tyagachlar (8701 20 101)¹;
• yuk tashish uchun yangi motorli transport vositalari (8704 22 910, 8704 23 910 4, 8704 23 910 9, 8704 32 910);
• yuk tashish uchun boshqa motorli transport vositalari (8704 90 000 0).

Eslatib oʻtamiz, 27.12.2016 yildagi PQ-2699-son Qarorga muvofiq ushbu imtiyoz Qozogʻiston Respublikasi, Rossiya Federatsiyasi va Ukrainada ishlab chiqarilayotgan va u yerdan olib kelinayotgan yangi transport vositalariga ham tatbiq etiladi.

Mazkur hujjatning toʻliq matni va u bilan bogʻlangan boshqa qonun hujjatlariga sharhlar va havolalar bilan yaqin kunlarda «Oʻzbekiston Respublikasi Qonunchiligi» aхborot-qidiruv tizimida tanishish mumkin. 

Oleg ZAMANOV,

 ekspertimiz.

Mavzuga oid material:

Aksiz soligʻi toʻlanadigan ishlab chiqariladigan tovarlarga 2017 yil uchun aksiz soligʻi stavkalari indeksatsiya qilindi

¹Qavslarda TIF TN kodlari keltirilgan.