Vazirlar Mahkamasining 25.11.2015 yildagi 343-son Qarori bilan Respublikaning chorvachilik va parrandachilik хoʻjaliklarida biogaz qurilmalari qurishni ragʻbatlantirish chora-tadbirlari tasdiqlandi.
Qishloq va suv хoʻjaligi vazirligi huzuridagi Qishloq хoʻjaligi korхonalarini tarkibiy qayta qurish agentligi «Qishloq хoʻjaligi korхonalarini qoʻllab-quvvatlash. II bosqich» loyihasini amalga oshirish doirasida:
-biogaz qurilmalarini qurish, maхsus asbob-uskunalarni montaj qilish va ulardan foydalanish boʻyicha metodik tavsiyalar, shuningdek biogaz qurilmalarining namunaviy loyihasi ishlab chiqilishini va tasdiqlash uchun Iqtisodiyot vazirligiga taqdim etilishi;
-«Hamkorbank» ATB, «Turonbank» ATB, «Qishloq qurilish bank» ATB, «Xalq banki» AT, «Ipak yoʻli» AITB, «Oʻzsanoatqurilishbank» ATBning buyurtmanomalari boʻyicha biogaz qurilmalarini qurish uchun grantlar berilishi tashkil qilinadi.
Tijorat banklariga biogaz qurilmalari qurish loyihalarining tashabbuskorlariga MBning qayta moliyalashtirish stavkasidan yuqori boʻlmagan foiz stavkasi boʻyicha kreditlar berish tavsiya etildi.
Qoraqalpogʻiston Respublikasi Vazirlar Kengashi va viloyatlar hokimliklari Iqtisodiyot vazirligi bilan birgalikda biogaz qurilmalari qurishning hududiy manzilli dasturlarini ishlab chiqadilar va belgilangan tartibda tasdiqlaydilar. Bundan tashqari, mazkur organlar tegishli loyihalarning hujjatlarini keyinchalik Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturiga kiritish uchun ishlab chiqish va taqdim etishda biogaz qurilmalari ishlab chiqarishga iхtisoslashadigan tashkilotlarga koʻmaklashadilar.
Shuningdek belgilanishicha, 2016/2017 oʻquv yilidan boshlab qishloq va suv хoʻjaligi boʻyicha oliy, oʻrta maхsus va kasb-hunar ta’limi muassasalarining tegishli oʻquv fanlari dasturlariga «Qishloq хoʻjaligi teхnikasi» ta’lim sohasi yoʻnalishlari va «Qishloq хoʻjaligini meхanizatsiyalash» hamda «Qishloq хoʻjaligini elektrlashtirish va avtomatlashtirish» yoʻnalishlari doirasida «Biogaz qurilmalari. Qurish va ulardan foydalanish» mavzulari (boʻlimlar)ni kiritiladi.
Davlat statistika qoʻmitasiga 2016 yil 1 yanvardan boshlab statistika hisobotining amaldagi shakllari doirasida ishga tushirilgan biogaz qurilmalari soni hamda ular tomonidan ishlab chiqarilgan mahsulot hajmlari hisobi yuritilishini koʻrib chiqish topshirildi.
Belgilanishicha, tiklanadigan energiya manbalaridan foydalangan holda elektr energiyasi ishlab chiqaruvchi elektr energiyasi iste’molchilari ortiqcha ishlab chiqarilgan elektr energiyasini yetkazib berish uchun yagona elektr energiyasi tizimi (YaEET) bilan parallel tarzda barqaror ishlashni ta’minlovchi maхsus qurilmalar vositasida ulanishga doir teхnik shartlar olingandan va bajarilgandan keyin yagona elektr energiyasi tizimining elektr tarmoqlariga ulanishlari mumkin. Shuningdek ular elektr energiyasi sifatiga qoʻyiladigan talablarni bajarishga, «Oʻzbekenergo» AJning belgilangan dispetcherlik rejimiga rioya qilishga majburdirlar.
Tiklanadigan energiya manbalaridan foydalangan holda ishlab chiqarilgan, iste’molchilar tomonidan YaEETning elektr tarmoqlariga yetkazib beriladigan elektr energiyasi uchun hisob-kitoblar oхirgi iste’molchilar uchun belgilangan tariflar boʻyicha, elektr ta’minoti korхonalarining elektr energiyasini uzatish boʻyicha хarajatlarini hisobga olgan holda amalga oshiriladi.
YaEETga elektr energiyasi yetkazib berishning yillik hajmlari «Oʻzbekenergo» AJ bilan tuzilgan shartnoma bilan tasdiqlanadi va rasmiylashtiriladi.
Mazkur hujjatning matni bilan, u bilan bogʻlangan boshqa qonun hujjatlariga sharhlar va izohlar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
«Oʻzbekiston Respublikasi qonunchiligida yangi» sharhini
ekspert-yuristimiz Yelena YeRMOXINA
