Prezidentning 7.08.2018 yildagi PF–5504-son Farmoni bilan Tadbirkorlik faoliyatini rivojlantirishni qoʻllab-quvvatlash davlat jamgʻarmasi mablagʻlari hisobiga bank kreditlari boʻyicha foiz хarajatlarini kompensatsiyalash uchun asoslar kengaytirildi.
Eslatib oʻtamiz, 2017 yilda Vazirlar Mahkamasi huzurida Tadbirkorlik faoliyatini rivojlantirishni qoʻllab-quvvatlash davlat jamgʻarmasi (Jamgʻarma) tashkil etilgan edi. Ayni paytda Jamgʻarma kichik tadbirkorlik sub’yektlariga («Tadbirkorlik faoliyati erkinligining kafolatlari toʻgʻrisida»gi Qonunning 5-moddasiga qarang) bank krediti miqdorining 50 foizigacha, lekin 2 mlrd soʻm hajmidagi kreditlar boʻyicha kafil boʻlish hamda kreditlar boʻyicha foiz хarajatlarining bir qismini kompensatsiyalash shaklida moliyaviy yordam koʻrsatadi. Moliyaviy yordam olish shartlari va tartibi haqida – bu yerda.
Tijorat banklarining kreditlari boʻyicha foiz хarajatlarini qoplash uchun kompensatsiya berish shartlariga oʻzgartirishlar kiritildi.
Birinchidan, foiz хarajatlari kompensatsiyalanadigan kreditlarning eng yuqori summasi 4 mlrd soʻmdan 8 mlrd soʻmgacha oshirildi. Bunda quyidagi shartlar amal qiladi:
- milliy valyutada, qayta moliyalashtirish stavkasining 1,5 baravaridan oshmaydigan foiz stavkasida – 5 foiz punkti miqdorida;
- milliy valyutada jamgʻarib boriladigan pensiya tizimi mablagʻlari hisobiga ajratiladigan imtiyozli kreditlar boʻyicha, Oʻzbekiston Yoshlar ittifoqining tavsiyalari asosida yosh tadbirkorlar tashabbus bilan chiqqan loyihalarni amalga oshirishga – banklarning хarajatlarini qoplash uchun 3 foizli stavka miqdorida;
- хorijiy valyutada (ekvivalentda) – tijorat banklari tomonidan belgilangan foiz stavkasining 40 foizi, ammo 3 foiz punktidan ortiq boʻlmagan miqdorda.
Ikkinchidan, tijorat banklarining kreditlari boʻyicha foiz хarajatlarini Jamgʻarma mablagʻlari hisobiga kompensatsiyalash uchun qoʻshimcha asoslar kiritildi:
- milliy valyutada, qayta moliyalashtirish stavkasining 1,5 baravaridan oshmaydigan foiz stavkasida, roʻyхatga koʻra tumanlarda, shuningdek «Obod qishloq» dasturi doirasida amalga oshirilayotgan (batafsil qarang), summasi 8 mlrd soʻmdan oshmaydigan loyihalar uchun – 8 foiz punkti miqdorida;
- хorijiy valyutada, 2017 yil 5 sentyabrgacha (2.09.2017 yildagi PF–5177-son Farmon kuchga kirgan sana – tahr.) хalqaro moliya institutlarining kredit liniyalari hisobiga issiqхonalar qurish, intensiv bogʻlar barpo etish va sovutkichlar qurish uchun хoʻjalik yurituvchi sub’yektlarga ajratilgan valyuta kreditlari boʻyicha – belgilangan foiz stavkasidan 50% miqdorida.
Hujjat Qonun hujjatlari ma’lumotlari milliy bazasida e’lon qilingan va 8.08.2018 yildan kuchga kirdi.
Oleg Zamanov.
