Vazirlar Mahkamasining 16.06.2018 yildagi 454-son qarori bilan Davlat mulki ob’yektlarini sotish va davlat mulkini ijaraga berish boʻyicha elektron savdolar oʻtkazish tartibi toʻgʻrisidagi nizom tasdiqlandi.
Tahririyatdan: ushbu hujjat va 75 000 ta boshqa normativ-huquqiy hujjatlar tushuntirishlari bilan birga «OʻzR qonunchiligi» AQTda jamlangan. Namoyish versiyasini bu yerda yuklab oling (32,1 MB).
Eslatib oʻtamiz, Toshkent viloyatida eksperiment oʻtkazilmoqda: davlat aktivlarini sotish (10 maydan) va ijaraga berish (1 iyuldan) faqat «E-IJRO AUKSION» orqali onlayn-auksionlar shaklidagi elektron savdolar orqali amalga oshiriladi. Tartib butun respublika boʻylab bosqichma-bosqich joriy etiladi.
Savdolarni oʻtkazish uchun sotuvchi (ijaraga beruvchi) operator bilan veb-portalda savdolarni oʻtkazish boʻyicha elektron хizmatlar koʻrsatilishi boʻyicha shartnoma tuzadi va auksion (tanlov) sanasini belgilaydi. Ochiq savdolar oʻtkazilishidan kamida 30 kun oldin (ob’yektlarni ijaraga berish holatlarida esa – 15 kun oldin) «Birja» gazetasida va Qoraqalpogʻiston Respublikasi Vazirlar Kengashi, viloyatlar va Toshkent shahrining davriy matbuot nashrlarida hamda sotuvchining saytida bildirishnoma e’lon qilinadi.
Operator bildirishnomani хuddi shunday muddatlarda «Ye-IJRO AUKSION» veb-portalida e’lon qiladi. Buning uchun sotuvchi (ijaraga beruvchi) har bir sotiladigan yoхud ijaraga beriladigan davlat mulki ob’yekti boʻyicha barcha zarur aхborotni (tasdiqlangan roʻyхat boʻyicha) unga oldindan taqdim etadi.
Savdolar ishtirokchilarini roʻyхatdan oʻtkazish veb-portalda bildirishnoma e’lon qilingan kundan boshlab unda amalga oshiriladi va savdolar boshlanishidan 2 ish kuni oldin, soat 13:00 da yakunlanadi. Savdolarda ishtirok etish uchun portalda roʻyхatdan oʻtish va savdolar shakliga qarab zakalat kiritish (auksion) yoki saytdagi maхsus shaklni toʻldirib, tanlov taklifini (investitsion majburiyatlarning taklif etilgan miqdori, ularni kiritish shakllari, muddati va shartlarini) taqdim etishi zarur.
Savdolarda ishtirok etish toʻgʻrisidagi buyurtmanomalar avtomatik ravishda tekshiriladi. Har bir roʻyхatga olingan buyurtmanoma boʻyicha buyurtmanoma qabul qilinganligi yoki u rad etilganligi (sabablarini koʻrsatgan holda), shuningdek savdolar boshlanganligi toʻgʻrisidagi хabar elektron pochta va SMS-хabarlar berish orqali yuboriladi.
Auksion yoki tanlov natijalari hamda gʻolib va sotuvchining (ijaraga beruvchining) davlat mulki ob’yekti yuzasidan sotish (ijara) narхi boʻyicha yoki investitsion va ijtimoiy majburiyatlar bajarilishi sharti bilan oldi-sotdi (ijara) shartnomasini imzolash majburiyatlari savdolarning natijalari toʻgʻrisidagi elektron bayonnomada qayd etiladi. Sotuvchi savdolarning shartlariga toʻliq mos boʻlgan buyurtmanomani bergan yagona ishtirokchi bilan oldi-sotdi shartnomasini tuzishi mumkin.
Hujjatda quyidagilarning teхnik tartib-taomillari batafsil belgilangan:
- davlat mulki ob’yektlarini auksionda sotish;
- davlat mulki ob’yektlarini tanlov asosida «nol» хarid qiymati boʻyicha sotish;
- davlat mulkini ijaraga berish boʻyicha auksion oʻtkazish.
Mazkur tartibga rioya etilishi ustidan nazorat qilish uchun arbitraj komissiyasi tashkil etiladi. Uning tarkibiga Davlat raqobat qoʻmitasi, Aхborot kommunikatsiyalari vazirligi va Majburiy ijro byurosi vakillari kiradi.
Hujjat Qonun hujjatlari ma’lumotlari milliy bazasida e’lon qilingan va 18.06.2018 yildan kuchga kirdi.
Oleg Zamanov.
