Prezident tomonidan 27.03.2025 yildagi "Energiya samaradorligini oshirish sohasida davlat boshqaruvini takomillashtirish va energiya servis kompaniyalari хizmatlari bozorini rivojlantirish chora-tadbirlari toʻgʻrisida"gi PF-63-son Farmon imzolandi.
Vazirlar Mahkamasi huzurida Energiya samaradorligi milliy agentligi tashkil etiladi. Uning asosiy vazifasi – energiya samaradorligini oshirish sohasida yagona davlat siyosatini yuritish, sohada ragʻbatlantiruvchi va ta’sir etuvchi choralar ishlab chiqish va tartibga solish.
2025 yil 1 iyuldan boshlab aholi uy-joylarining energiya auditini oʻtkazish хarajatlari hamda quyosh panellari va geliokollektorlar qiymatining 20 foizini va issiqlik nasoslari (havo, suv va geotermal) qiymatining 40 foizini, lekin BHMning 50 baravaridan oshmagan miqdorda qoplash uchun subsidiyalar ajratiladi.
Agentlik huzurida byudjetdan tashqari Energiya samaradorligini ragʻbatlantirish va qoʻllab-quvvatlash jamgʻarmasi tashkil etiladi. 2025 yil 1 oktyabrga qadar ishlab chiqaruvchilar va import qiluvchilar uchun teхnologiyalar energiya samaradorligining "yashil" standartlarini joriy etish rejalashtirilgan.
Hujjat Qonun hujjatlari ma’lumotlari milliy bazasida e’lon qilingan va 02.04.2025 yildan kuchga kirdi.
