Ularda qarindoshlik darajasi koʻrsatiladigan grafa paydo boʻldi (18.11.2019 yildagi 915-son VMQga qarang).
Bu 1 oktyabrdan boshlab FJMS sugʻurta polisida koʻrsatilgan avtomobil egasining yaqin qarindoshlariga foydalanish va uni boshqarish uchun notarial tasdiqlanadigan ishonchnoma zarur emasligi bilan bogʻliq.
Bu vaziyatda majburiy avtosugʻurta shartnomasini tuzganda mashina egasi avtomobildan foydalanish va boshqarishga ruхsat beradigan oila a’zolariga nisbatan qarindoshlik darajasini tasdiqlovchi hujjatlarni taqdim etishi lozim. Sugʻurta polisining yangi grafasida esa “ota”, “ona”, “er (хotin)”, “aka-ukalar”, “opa-singillar” aniq koʻrsatiladi. Qoʻshni ustunlarga ularning FIO, shuningdek haydovchilik guvohnomasining seriyasi va raqami yoziladi. Bu sugʻurta polisining ikkala turiga: haydovchilar soni cheklangan holda foydalanish va haydovchilar soni cheklanmagan holda foydalanish sharti bilan rasmiylashtirishga daхl qiladi.
Polisda yozilgan qarindoshlar avtomobilni mustaqil ravishda, ya’ni uning egasi boʻlmaganda boshqarishlari mumkin. Bunda umumiy egalik huquqini tasdiqlaydigan hujjat (masalan, niqoh tuzilganligi toʻgʻrisidagi guvohnoma, nikoh shartnomasi, tahr.) ham ularga kerak boʻlmaydi.
Hujjat Qonun hujjatlari ma’lumotlari milliy bazasida e’lon qilingan va 19.11.2019 yildan kuchga kirdi.
Oleg Zamanov.
