Prezident tomonidan 11.02.2021 yildagi “Oʻzbekiston Respublikasi fuqarolarining muddatli harbiy хizmatga navbatdagi chaqiruvi hamda belgilangan хizmat muddatini oʻtab boʻlgan muddatli harbiy хizmatchilarni qurolli kuchlar rezerviga boʻshatish toʻgʻrisida” qaror qabul qilindi.
Hujjatga asosan, 2021 yil mart-aprelda:
- chaqirilish muddatini kechiktirish va chaqirilishdan ozod etilish huquqiga ega boʻlmagan chaqiruv yoshidagi fuqarolar muddatli harbiy хizmatga chaqiriladi;
- muddatli harbiy хizmatning belgilangan muddatini oʻtab boʻlgan harbiy хizmatchilar Qurolli Kuchlar rezerviga boʻshatiladi.
Harbiy хizmatga yaroqli, shu jumladan cheklovlar bilan yaroqli boʻlgan hamda chaqirilish muddatini kechiktirish va chaqirilishdan ozod etilish huquqiga ega boʻlmagan, biroq ushbu chaqiruv davrida Qurolli Kuchlar safiga chaqirilmaydigan fuqarolar safarbarlik chaqiruvi rezervi хizmatiga olinadi.
Elmira Siraziyeva.
