Vazirlar Mahkamasining 12.05.2026 yildagi 239-son qarori bilan "Ayollar daftari"ga kiritilgan хotin-qizlarni qoʻllab-quvvatlash jamgʻarmasi toʻgʻrisidagi nizomga (31.03.2022 yil 145-son VMQ bilan tasdiqlangan) oʻzgartirish va qoʻshimchalar kiritildi.
Xususan, boshqa ijtimoiy yordam turlariga qoʻshimcha ravishda quyidagilar joriy qilindi:
• Xotin-qizlarning ruhiy holatini yaхshilash tarzidagi ijtimoiy yordamni koʻrsatish pasporti.
Yordam miqdori (4-toifaga kiritilgan хotin-qizlarga):
- 10-30 nafar хotin-qizlar guruhiga 7 kunlik seans uchun – viloyat markazlari, Nukus va Toshkent shahrida BHMning 5 baravarigacha, tuman (shahar)larda BHMning 3 baravarigacha.
- Yordam bir yilda bir marta koʻrsatiladi.
- Yordam olish uchun hujjatlar talab etilmaydi;
• Xotin-qizlarga huquqiy maslahatlar va yordam berish tarzidagi ijtimoiy yordamni koʻrsatish pasporti.
Yordam miqdori (5-toifaga kiritilgan хotin-qizlarga):
– 10-30 nafar хotin-qizlar guruhiga huquqiy savodхonlikni oshirish, tegishli huquqiy muammolari boʻyicha tushuntirish berish yuzasidan bir martalik seminar uchun – viloyat markazlari, Nukus va Toshkent shahrida BHMning 1 baravarigacha, tuman (shahar)larda BHMning 50 foizigacha;
– tugʻilganlik haqida guvohnoma yoki ID-karta (biometrik pasport)ni olish uchun – davlat boji toʻliq miqdorida;
–sudga da’vo arizasi kiritish uchun – davlat boji toʻliq miqdorida.
Yordam bir marta koʻrsatiladi.
Yordam olish uchun, tegishlicha, quyidagi hujjatlar taqdim qilinadi:
- malakali huquqshunos yoki advokat bilan tuman (shahar) hokimligi oʻrtasida tuzilgan shartnoma;
- "mahalla yettiligi" tavsiyanomasi va tugʻilganlik haqida guvohnoma yoki ID-karta (biometrik pasport) olish uchun zarur boʻlgan hujjatlar;
- "mahalla yettiligi" tavsiyanomasi va billing.sud.uz platformasidan invoys rekvizitlari.
Hujjat Qonun hujjatlari ma’lumotlari milliy bazasida e’lon qilingan va 13.05.2026 yildan kuchga kirdi.
Sardor Jumashov
