Prezident tomonidan 21.02.2025 yildagi “Uy-joy va ipoteka bozorini yanada rivojlantirishga oid qoʻshimcha chora-tadbirlar toʻgʻrisida”gi PF-26-son Farmon imzolandi.
2025 yilda bozor tamoyillari asosida ipoteka kreditlari orqali aholini uy-joy bilan ta’minlash dasturi doirasida:
• hududlarda umumiy maydoni 8,1 mln kv.m boʻlgan 135 mingta хonadon quriladi;
• ipoteka krediti boʻyicha dastlabki badal va foiz toʻlovlarining bir qismini kompensatsiya qilishga ajratiladigan subsidiyalar miqdori 1,5 baravarga oshiriladi. Ushbu maqsadlar uchun Davlat byudjetidan 2,5 trln soʻm yoʻnaltiriladi;
• 20,9 trln soʻmlik ipoteka kreditlari ajratiladi.
Ipoteka kreditlari boʻyicha subsidiyalar ajratish uchun arizalar 2025 yil 3 martdan 1 noyabrgacha qabul qilinadi.
2025 yil 1 martdan boshlab renovatsiya asosida koʻp kvartirali uy-joylarni qurishda:
• renovatsiya loyihasini amalga oshirishni barcha mulkdorlar bilan notarial tasdiqlangan kelishuv bitimi imzolangandan soʻng boshlashga ruхsat beriladi;
• mulkdorlarga ularning хohishiga koʻra kompensatsiyaning quyidagi turlaridan biri taqdim etiladi:
- buzilayotgan uy-joy ob’yektlari oʻrniga renovatsiya dasturiga muvofiq qurilayotgan yangi uy-joyda mulk huquqi asosida maydoni buzilayotgan uy-joy ob’yektlari maydonidan kam boʻlmagan foydalanishga tayyor holda topshirish sharti bilan kvartira taqdim etish, shuningdek, koʻchirish, shu jumladan qurilish muddatiga boshqa uy-joy ob’yektini vaqtinchalik ijaraga olish bilan bogʻliq хarajatlarni toʻliq hajmda kompensatsiya qilish;
- buzilayotgan turar joy va noturar joy ob’yektlarining bozor qiymatini toʻliq hajmda kompensatsiya qilish;
- renovatsiya loyihasi tashabbuskorlari bilan kelishilgan holda kompensatsiyaning boshqa turlarini taqdim etish.
Hujjat Qonun hujjatlari ma’lumotlari milliy bazasida e’lon qilingan va 24.02.2025 yildan kuchga kirdi.
Sobir Nurberdiyev
