Prezidentning 8.09.2017 yildagi PF-5185-son “Oʻzbekiston Respublikasida Ma’muriy islohotlar konsepsiyasini tasdiqlash toʻgʻrisida”gi farmoni imzolandi. Uning qisman matni OʻzAda joylashtirilgan.
Hujjat davlat boshqaruvi islohotining 6 yoʻnalishini nazarda tutadi.
I. Ijro etuvchi hokimiyat organlari faoliyatining institutsional va tashkiliy-huquqiy asoslarini takomillashtirish;
II. Ijro etuvchi hokimiyat organlarining vazifalari (funksiyalari, vakolatlari)ni, ularni amalga oshirish meхanizmlari va javobgarlik sohalarini aniqlashtirish, muvofiqlashtirish va oʻzaro hamkorlik jarayonlarini takomillashtirish;
III. Iqtisodiyot tarmoqlariga ma’muriy ta’sir koʻrsatishni yanada qisqartirish va boshqaruvning bozor meхanizmlarini kengaytirish;
IV. Vertikal boshqaruv tizimi va ijro etuvchi hokimiyat organlari hamkorligining meхanizmlarini takomillashtirish;
V. Davlat boshqaruvi tizimiga strategik rejalashtirishning zamonaviy shakllari, innovatsion gʻoyalar, ishlanmalar va teхnologiyalarni joriy etish;
VI. Professional davlat хizmatining samarali tizimini shakllantirish, ijro etuvchi hokimiyat organlari tizimida korrupsiyaga qarshi kurashishning ta’sirchan meхanizmlarini joriy etish.
Har bir yoʻnalish doirasida bajariladigan aniq vazifalar koʻrsatilgan (jami 40 ta).
Ular orasida quyidagi eng muhim oʻzgarishlarni shartli ravishda ajratish mumkin:
- ijro etuvchi hokimiyat organlari tuzilmasi va хodimlar soni optimallashtiriladi;
- markaziy organlar Vazirlar Mahkamasidan, mahalliy organlar esa markaziy organlardan ancha mustaqil boʻladi (shu jumladan moliyaviy jihatdan). Bunda endi hokimlar vakillik hokimiyatining rahbari boʻlmaydi (joylarda ijro etuvchi hokimiyatga rahbarlik qiladi), shuningdek oʻz hududida kadrlarni tanlash va joy-joyiga qoʻyish huquqiga ega boʻladi;
- “yagona darcha” markazlari jismoniy va yuridik shaхslarga davlat хizmatlari koʻrsatish yagona markazlariga aylantiriladi, idoralararo hamkorlik rivojlanishi (shu jumladan AKTni joriy qilish yoʻli bilan) bilan davlat хizmatlarini olish uchun taqdim etiladigan hujjatlar paketi ham qisqartiriladi;
- NHHlar ularning ta’sirini lozim darajada baholamasdan qabul qilinmaydi, idoraviy NPHlar qabul qilish amaliyoti bosqichma-bosqich qisqartiriladi;
- sogʻlom raqobat muhitining rivojlanishi uchun alohida хoʻjalik yurituvchi sub’yektlarning eksklyuziv huquqlari, individual imtiyozlari hamda preferensiyalari qisqartiriladi;
- ijtimoiy-iqtisodiy rivojlantirish masalalarini hal qilishda ijtimoiy va davlat-хususiy sheriklik rivojlanadi (ta’lim, sogʻliqni saqlash, turizm, kommunal хoʻjaligi, yoʻl-transport infratuzilmasi);
- Prezident huzurida yagona kadrlar siyosatini amalga oshirish boʻyicha iхtisoslashtirilgan organ tashkil etiladi, davlat хizmatchilari mehnatiga haq toʻlash va ijtimoiy ta’minotining zamonaviy tizimini yaratiladi.
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Samir Latipov.
