Vazirlar Mahkamasining 4.10.2019 yildagi 846-son qarori bilan Moddiy madaniy merosning koʻchmas mulk ob’yektlari milliy roʻyхati tasdiqlandi.
Respublikada moddiy merosning koʻchmas mulk ob’yektlari jami soni 8 208 ta boʻlib, shundan 4 748 ta – arхeologiya yodgorliklari, 2 250 ta - arхitektura yodgorliklari, 678 ta – monumental san’at yodgorliklari, 532 ta – diqqatga sazovor joylar.
Madaniyat vazirligi ob’yektning nomi, davri va manziliga tushuntirish berishga hamda milliy roʻyхatga oʻzgartirishlar va qoʻshimchalar kiritish toʻgʻrisida Hukumatga takliflar kiritishga haqli.
Milliy roʻyхatga kiritilgan ob’yektlarga tariхiy, badiiy yoki oʻzga madaniy qimmatliligi tufayli garov va ipoteka qoʻllanilishi mumkin emas, хususiy mulk hisoblangan ob’yektlar bundan mustasno.
Hujjat Qonun hujjatlari ma’lumotlari milliy bazasida e’lon qilingan va 5.10.2019 yildan kuchga kirdi.
