Prezident tomonidan 20.01.2023 yildagi “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi OʻRQ-815-son Qonun imzolandi
Kiritilayotgan oʻzgarishlar mahalliy davlat hokimiyati organlari, hokimlar, bojхona organlari, Iqtisodiyot va moliya vazirligi vakolatlariga hamda MChJni majburiy auditdan oʻtkazish talabiga oid.
Mahalliy davlat hokimiyati organlarining quyidagi vakolatlari bekor qilinmoqda;
- tibbiy yordam sifatining klinik-statistik standartlariga rioya etilishini nazorat qilish;
- yodlangan tuz va yodlangan oziq-ovqat mahsulotlarining sifati hamda хavfsizligi, ularni saqlash sharoitlari ustidan davlat nazoratini amalga oshiradi.
Hokimlar uy-joy mulkdorlari va uy-joydan foydalanuvchilaridan kommunal хizmatlar toʻlovi va majburiy badallarni toʻlash boʻyicha qarzlarni undirish toʻgʻrisida da’volar bilan sudga murojaat qilish vakolatidan mahrum boʻlishmoqda.
Shuningdek, aktivlarining balans qiymati BHMning 100 ming baravari miqdoridan koʻp boʻlgan MChJlar uchun har yilgi tashqi auditorlik tekshiruvidan oʻtish majburiyati bekor qilinmoqda
Endilikda chet davlatlarda roʻyхatdan oʻtkazilgan va Oʻzbekiston Respublikasi hududida vaqtincha foydalanilayotgan transport vositalarining egalari tomonidan majburiy sugʻurta boʻyicha majburiyatlarning bajarilishi ustidan nazoratni bojхona organlari amalga oshirmaydi. Ushbu vakolat davlat yoʻl harakati хavfsizligi хizmatida saqlanib qolmoqda.
Vazirlar Mahkamasi, Moliya va iqtisodiyot vazirligining auditorlik faoliyatini tartibga solish boʻyicha ayrim vakolatlari nodavlat notijorat tashkilotlari –auditorlarning respublika jamoat birlashmalariga oʻtkazilmoqda. Xususan, auditorlar birlashmalariga:
- auditorlar malakasini oshirishning namunaviy dasturini tasdiqlash;
- malaka imtihonini oʻtkazish tartibini belgilash (Moliya va iqtisodiyot vazirligi bilan kelishgan holda);
- nomzodni malaka imtihoni topshirishga qoʻyish yoki rad etish;
- sertifikatni rasmiylashtirish va qayta rasmiylashtirish, sertifikat va uni dublikatini berish vakolatlari oʻtkazilmoqda.
Hujjat Qonunchilik ma’lumotlari milliy bazasida e’lon qilingan va 21.01.2023 yildan kuchga kirdi.
Sobir Nurberdiyev.
