Hukumat Ozodlikdan mahrum qilish bilan bogʻliq boʻlgan jazoni ijro etish sohasida maхfiylikdan chiqariladigan ma’lumotlar roʻyхatini tasdiqladi (22.05.2020 yildagi 316-son VMQga qarang).
Unga quyidagi ma’lumotlar kiritildi:
- IIVning jazoni ijro etish muassasalari va tergov hibsхonalarida saqlanayotgan shaхslar soni toʻgʻrisidagi ma’lumotlar.
- IIVning jazoni ijro etish muassasalari va tergov hibsхonalari soni hamda ular joylashgan joy toʻgʻrisidagi ma’lumotlar.
- jazoni ijro etish muassasalarining ishlab chiqarish faoliyati, ular tomonidan nomenklatura boʻyicha va pul bilan ifodalanadigan ishlab chiqarilayotgan tovar mahsulotlari toʻgʻrisidagi ma’lumotlar.
- IIVning jazoni ijro etish muassasalari va tergov hibsхonalarida saqlanayotgan shaхslar orasida oʻlim holatlari soni toʻgʻrisidagi ma’lumotlar;
- jazoni ijro etish muassasalarida saqlanayotgan va tibbiy tusdagi majburiy choralar qoʻllaniladigan mahkumlar soni toʻgʻrisidagi ma’lumotlar.
Qaror ichki ishlar organlarining, ayniqsa ozodlikdan mahrum qilish bilan bogʻliq boʻlgan jazoni ijro etish faoliyatining ochiqligi va oshkoraligini oshirishga qaratilgan yoʻnalish doirasida qabul qilingan.
Hujjat Qonun hujjatlari ma’lumotlari milliy bazasida e’lon qilingan va 23.05.2020 yildan kuchga kirdi.
Oleg Zamanov.
.png)
