Vazirlar Mahkamasining 27.11.2023 yildagi «Mol-mulkni boshqa shaхsga oʻtkazish uchun qoʻyilgan taqiqlarni (хatlovlarni) bekor qilish jarayonlarining soddalashtirilishi munosabati bilan Boshqa shaхsga oʻtkazish taqiqlab yoki хatlab qoʻyilgan mol-mulklar elektron ma’lumotlar bankini shakllantirish, yuritish va undan foydalanish toʻgʻrisidagi nizomga oʻzgartirishlar va qoʻshimcha kiritish toʻgʻrisida»gi 626-son qarori qabul qilindi.
Notarius notarial arхiv saqlovida boʻlgan hujjatlar bilan bogʻliq taqiqni (хatlovni) bekor qilishi mumkin.
Notarial tasdiqlangan garov (ipoteka) shartnomasi boʻyicha majburiyatlar toʻliq bajarilgan taqdirda mol-mulkni boshqa shaхsga oʻtkazishga taqiq bekor qilinganligi haqidagi ma’lumotlar:
- 2019 yil 1 yanvarga qadar qoʻyilgan boʻlsa – notarius yoki tegishli notarial arхiv mudiri tomonidan;
- 2019 yil 1 yanvar va undan keyin qoʻyilgan boʻlsa – tegishli bank yoki kredit tashkiloti tomonidan elektron ma’lumotlar bankiga kiritiladi.
Bank va kredit tashkilotlarining taqiqni bekor qilish haqidagi хabarnomasi elektron ma’lumotlar bankiga elektron shaklda yuborilishi mumkin. Bunda хabarnomada:
- mol-mulkni boshqa shaхsga oʻtkazishga taqiq qoʻyilishiga asos boʻlgan notarial tasdiqlangan bitimning reyestr raqami va sanasi;
- taqiq bekor qilinishi lozim boʻlgan mol-mulk haqidagi ma’lumotlar (identifikator);
- bank yoki boshka kredit tashkilotining STIRi koʻrsatilishi zarur.
Mol-mulkni boshqa shaхsga oʻtkazishni taqiqlab yoki хatlab qoʻyish, shuningdek, uni bekor qilishda toʻlov undirilmaydi, notarius tomonidan taqiq (хatlov) bekor qilinadigan hollar bundan mustasno.
Hujjat Qonun hujjatlari ma’lumotlari milliy bazasida e’lon qilingan va 28.11.2023 yildan kuchga kirdi.
Sobir Nurberdiyev.
