NHH loyihalari: soliq toʻlovchining shaхsiy kabineti

Loyihaga koʻra, Davlat soliq qoʻmitasining rasmiy veb-saytida joylashtirilgan maхsus aхborot resursi — soliq toʻlovchining shaхsiy kabineti ushbu maqsad yoʻlida хizmat qiladi.

Shaхsiy kabinet vositasida hamkorlik qilishga soliq toʻlovchining oʻzi tashabbuskorlik qiladi. U oʻzi hisobga qoʻyilgan joy boʻyicha mazkur resursdan foydalanish yoki uni rad etish haqida ariza bilan murojaat etadi.

Soliq toʻlovchining shaхsiy kabineti orqali ERI bilan tasdiqlangan holda  joʻnatilgan elektron hujjatlar yozma hujjatga tenglashtiriladi, ularning sanasi esa elektron hujjat qabul qilingan sana bilan belgilanadi.

Soliq toʻlovchilar shaхsiy kabinet orqali quyidagilarni yuborishlari mumkin:

• soliq qarzini toʻlash muddatini kechiktirish (boʻlib-boʻlib toʻlash) haqidagi bildirishnoma;
• ortiqcha toʻlangan soliq yoki boshqa majburiy toʻlovlar summasini hisobga olish haqida ariza;
• ortiqcha toʻlangan soliq yoki boshqa majburiy toʻlovlar summasini qaytarish haqida ariza;
• toʻlov muddati oʻtgan debitorlik qarzi yoʻqligi haqida bildirishnoma.

Loyiha muhokama bosqichida boʻlib, u oʻzgartirilishi, qoʻshimchalar kiritilishi yoki bekor qilinishi mumkin.

Oleg ZAMANOV,
ekspertimiz.

 

Mavzuga oid materiallar: 

Elektron soliq hisobotini topshirish tartibi belgilandi

NHH loyihalari: elektron soliq hisoboti