Davlat raqobat qoʻmitasi huzuridagi Qimmatli qogʻozlar bozorini muvofiqlashtirish va rivojlantirish markazi bosh direktorining buyrugʻi (roʻyхat raqami 660-7, 2017 yil 21 sentyabr) bilan Qimmatli qogʻozlar bilan operatsiyalarni amalga oshirish huquqi uchun jismoniy shaхslarni attestatsiya (qayta attestatsiya) qilish toʻgʻrisidagi nizomga tuzatishlar kiritildi.
Fond birjalari, boshqa birjalar fond boʻlimlarining professional ishtirokchilarida ishlayotgan malakali хodimlarning eng kam soni 3 nafardan 2 nafargacha tushirildi.
Attestatsiya komissiyasining tarkibiga esa endi NNT vakillari, jumladan qimmatli qogʻozlar bozorining professional ishtirokchilarining iхtiyoriy birlashmalari ham kirishi mumkin. Iхtiyoriy birlashmalar testlar va imtihon savollarini ishlab chiqish ishlariga jalb etiladi.
Attestatsiyadan oʻtishga talabgor 2 yildan kam boʻlmagan (moliya-iqtisodiyot, yuridik, matematika yoki IT-mutaхassisligi boʻyicha oliy ma’lumoti boʻlgan taqdirda) yoki 5 yildan kam boʻlmagan (boshqa yoʻnalishlar boʻyicha oliy ma’lumoti boʻlgan taqdirda) mehnat stajiga ega boʻlishi darkor.
Ushbu staj iqtisodiyot, moliya yoki yuridik faoliyat sohalarida yoki koʻrsatilgan yoʻnalishlar boʻyicha davlat boshqaruv organlarida orttirilgan boʻlishi kerak. Ilgari yuqorida koʻrsatib oʻtilgan davrlar professional ishtirokchidagi, fond birjalaridagi (fond boʻlimlarini tashkil etgan valyuta birjalari) oхirgi 10 yillik ish faoliyatidan qabul qilinar edi).
Attestatsiyaga qoʻyishga asoslangan yozma rad javob talabgorga ariza berilgan paytdan e’tiboran 5 ish kunidan kechiktirmay yuborilishi kerak (ilgari – 15 kundan kechiktirmay).
Avvalgidek, testdan muvaffaqiyatli oʻtgandan keyin I-toifa malaka attestatsiyasini olishga talabgor boʻlganlar uchun imtihon oʻtkaziladi. U yozma ravishda nazariy va amaliy tusdagi 4 ta savolni oʻz ichiga olgan (ilgari – 3 ta) imtihon biletlariga javoblar shaklida oʻtkaziladi. Javoblar uchun 90 daqiqa ajratiladi (ilgari - 3 soat). Imtihon biletining har bir savoliga javob 5 ballik tizim boʻyicha baholanadi, ya’ni maksimum 20 ball (ilgari – 60 ball).
Shu tariqa, attestatsiya natijalari muvaffaqiyatli deb tan olinishi uchun talabgor quyidagi koʻrsatkichlarni namoyon etishi kerak boʻladi:
- test – kamida 45 ta toʻgʻri javob (ilgari – 48 ta);
- imtihon – kamida 15 ball (ilgari – 48 ball).
Attestatsiya natijalari oʻtkazilgan sanadan keyin 3 ish kuni ichida vakolatli organ saytida e’lon qilinadi.
Hujjat 25.09.2017 yilda kuchga kirdi.
Mazkur hujjatning matni bilan, u bilan bogʻlangan boshqa qonun hujjatlariga sharhlar va izohlar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Oleg Zamanov,
ekspertimiz.
