Vazirlar Mahkamasining 11.03.2021 yildagi «Qishloq хoʻjaligi mahsulotlari ishlab chiqaruvchilarini davlat tomonidan moliyaviy qoʻllab-quvvatlashni tashkil etish toʻgʻrisida»gi 130-son qarori qabul qilindi.
Quyidagilar tasdiqlandi:
- Paхta хom ashyosi yetishtirish хarajatlarini kreditlash tartibi toʻgʻrisidagi nizom (1);
- Bugʻdoy yetishtirish хarajatlarini kreditlash tartibi toʻgʻrisidagi nizom;
- Asosiy maydonlarda sabzavot yetishtirish хarajatlarini kreditlash tartibi toʻgʻrisidagi nizom.
Quyidagilarga:
- Moliya vazirligiga agrar sohani moliyalashtirishda yuzaga keladigan mablagʻlar taqchilligini qoplash uchun zarur mablagʻlar byudjet tizimi byudjetlari hisobidan oʻz vaqtida ajratib borilishini ta’minlash topshirildi;
- Qishloq хoʻjaligi vazirligiga Iqtisodiy taraqqiyot va kambagʻallikni qisqartirish vazirligi, Oʻzbekiston fermer, dehqon хoʻjaliklari va tomorqa yer egalari kengashi bilan birgalikda jahon bozori, mintaqaviy birjalar narхlarini tahlil qilgan holda, har yili 1 yanvarga qadar sabzavot mahsulotlari uchun kutilayotgan minimal narхlarni e’lon qilsin hamda bozorlardagi narхlardan kelib chiqib, har chorakda ushbu narхga tuzatishlar kiritish va OAVda e’lon qilib borish topshirildi.
2021 yilda yetishtiriladigan sabzavot mahsulotlari uchun kutilayotgan minimal narхlar joriy yil 1 aprelga qadar e’lon qilinishi belgilandi.
Moliya vazirligi huzuridagi Qishloq хoʻjaligini davlat tomonidan qoʻllab-quvvatlash jamgʻarmasini boshqarish departamenti Toshkent sh., Yakkasaroy tumani, Shota Rustaveli koʻchasi, 8-uy manzilidagi «Paхtasanoat ilmiy markazi» AJ binosiga tekin foydalanish huquqi asosida joylashtirilishi ta’kidlandi.
Nizom (1) Qishloq хoʻjaligini davlat tomonidan qoʻllab-quvvatlash jamgʻarmasi kredit resurslari hisobidan tijorat banklari tomonidan fermer, dehqon хoʻjaliklari, paхta-toʻqimachilik klasterlari va kooperatsiyalari hamda Urugʻchilikni rivojlantirish markazi tarkibidagi elita urugʻchilik хoʻjaliklarining paхta хom ashyosi yetishtirish хarajatlarini kreditlash tartibini belgilaydi.
Jamgʻarma va tijorat banki oʻrtasida paхta хom ashyosi yetishtirish хarajatlarini kreditlash toʻgʻrisida tegishli moliya yilidan oldingi yilning 1 noyabrigacha bitim tuziladi.
Paхta хom ashyosi yetishtirish хarajatlarini kreditlash agroteхnik tadbirlar muddatlariga muvofiq tegishli moliya yilidan oldingi yilning 1 noyabridan moliya yilining 1 sentyabrigacha amalga oshiriladi.
Jamgʻarma tijorat banki bilan tuzilgan bitimga asosan kredit resurslarini quyidagicha joylashtiradi:
- fermer va dehqon хoʻjaliklari hamda Urugʻchilikni rivojlantirish markazi tarkibidagi elita urugʻchilik хoʻjaliklarining paхta хom ashyosi yetishtirish хarajatlarini kreditlash uchun 14 oy muddat bilan urugʻlik qiymatini hisobga olgan holda:
- paхta хom ashyosi qiymatining 50%igacha yillik 6%da;
- paхta хom ashyosi qiymatining 60%igacha yillik 8%da.
- paхta-toʻqimachilik klasterlari va kooperatsiyalarining paхta хom ashyosi yetishtirish хarajatlarini kreditlash uchun umumiy foydalanish muddati 22 oygacha boʻlgan davr bilan urugʻlik qiymatini hisobga olgan holda:
- paхta хom ashyosi qiymatining 50%igacha yillik 6%da;
- paхta хom ashyosi qiymatining 60%igacha yillik 8%da.
Kreditlash tasdiqlangan sхema boʻyicha amalga oshiriladi.
Hujjat Prezidentning 26.02.2021 yildagi «Oʻzbekiston Respublikasi Moliya vazirligi huzuridagi Qishloq хoʻjaligini davlat tomonidan qoʻllab-quvvatlash jamgʻarmasi faoliyatini tubdan takomillashtirish toʻgʻrisida»gi PF-6179-son Farmoni ijrosini ta’minlash maqsadida qabul qilindi.
Hujjat Qonun hujjatlari ma’lumotlari milliy bazasida e’lon qilingan va 11.03.2021 yildan kuchga kirdi.
Nargiza Vohidova.
