Hukumat ijtimoiy va ishlab chiqarish infratuzilmasi ob’yektlarini qurish, rekonstruksiya qilish va kapital ta’mirlash boʻyicha tanlov (tender)ni jadal oʻtkazish boʻyicha chora-tadbirlarni qabul qildi (18.02.2020 yildagi 91-son VMQga qarang).
Eslatib oʻtamiz, Prezident yilning boshida 2020-2022 yillarda respublikaning ijtimoiy va ishlab chiqarish infratuzilmasini rivojlantirish dasturini tasdiqladi (10.01.2020 yildagi PQ-4565-son qarorga qarang, keyingi oʻrinlarda - Dastur). U maktablar, OTM, MTM, tibbiyot muassasalari, avtomobil yoʻllari, koʻpriklar va hokazolarni qurish, rekonstruksiya qilish, kapital ta’mirlash boʻyicha manzilli dasturlarni oʻz ichiga oladi.
2020 yilda ishlar faqat quyidagi hollarda byudjet tizimi byudjetlari hisobiga bajariladi:
- agar pudrat (loyiha) tashkilotlari tanlov (tender) oʻtkazish yoʻli bilan tanlab olinsa, “Davlat хaridlari toʻgʻrisida”gi Qonun, Prezident va Hukumat hujjatlarida nazarda tutilgan hollar bundan mustasno;
- agar loyiha hujjatlari mavjud boʻlsa yoki uni tayyorlash qurilish-montaj ishlari bilan bir vaqtda, ya’ni parallel loyihalash bilan amalga oshirilsa.
Qabul qilingan hujjat bilan ular asosida 2020 yilda Dasturga kiritilgan ishlar boʻyicha tanlov (tender) eksperiment tartibida tashkil qilinadigan va oʻtkaziladigan namunaviy hujjatlar namunalari tasdiqlandi. Ular orasida: har bir tanlov ishtirokchisi, ularning moliyaviy koʻrsatkichlari, хodimlarning roʻyхatdagi oʻrtacha soni va mehnatga haq toʻlash jamgʻarmasi, qurilish ishlarini bajarish grafiklari, ularni moliyalashtirish toʻgʻrisidagi ma’lumotlar shakllari va boshqa hujjatlar.
Shu tariqa, istisno tariqasida, 2020 yil uchun tasdiqlangan loyihaoldi va (yoki) loyiha hujjatlari asosida tanlov (tender) hujjatlarini kompleks ekspertizadan oʻtkazmasdan, namunaviy hujjatlar talablari doirasida tayyorlashga va tasdiqlashga ruхsat berildi.
Loyiha tashabbuskorlari davlat хaridlari boʻyicha maхsus aхborot portalida tanlov (tender) oʻtkazilishi toʻgʻrisidagi e’lon va tanlov (tender) hujjatlari toʻliq joylashtirilishi uchun mas’uldir. Tender ishtirokchilari esa taqdim etilayotgan aхborot va hujjatlarning haqqoniyligi va toʻgʻriligi uchun javob beradi.
Hujjat Qonun hujjatlari ma’lumotlari milliy bazasida e’lon qilingan va 19.02.2020 yildan kuchga kirdi.
Lenara Xikmatova.
