“Bankrotlik toʻgʻrisida”gi Qonunga ayrim oʻzgartirish va qoʻshimchalar kiritildi. Tegishli tuzatishlarni oʻz ichiga olgan 14.09.2017 yildagi OʻRQ-446-son Qonun “Xalq soʻzi” gazetasida e’lon qilindi.
Tuzatishlarga binoan sud boshqaruvchisi qarzdorning moliyaviy ahvoli va (yoki) oʻz faoliyati toʻgʻrisidagi aхborotni kreditorning talabiga koʻra 10 kunlik muddatda taqdim etishi shart.
Shuningdek, iqtisodiy sudning qarzdorni bankrot deb topish hamda tugatishga doir ish yuritishni boshlash toʻgʻrisidagi qarori ustidan shikoyat berishga haqli shaхslar doirasi belgilandi. Bu bankrotlik toʻgʻrisidagi ishda ishtirok etuvchi shaхslar, shu jumladan har qanday kreditorlardan biri tomonidan, shuningdek ishda ishtirok etishga jalb etilmagan, huquqlari va majburiyatlari haqida sud qaror qabul qilgan shaхslar tomonidan amalga oshirilishi mumkin. Prokuror tomonidan qarorga protest keltirilishi mumkin.
Qarzdor yakka tartibdagi tadbirkorni bankrot deb topish va tugatishga doir ish yuritishni boshlash toʻgʻrisidagi sud qarorida koʻrsatiladigan kreditorlar tomonidan talablarni taqdim etish muddatiga tuzatish kiritildi. Bu muddat 1 oydan kam boʻlmasligi, biroq 2 oydan oshmasligi kerak.
Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.
Oleg Zamanov,
ekspertimiz.
