Sud hokimiyati organlarida mehnatga haq toʻlash qayta koʻrib chiqildi

Prezidentning 13.07.2018 yildagi PF–5482-son Farmoni bilan tegishli normalar tasdiqlandi.

Oliy sud, quyi sudlar sudyalari va хodimlari, shuningdek Oliy sud huzuridagi Sudlar faoliyatini ta’minlash departamenti va uning hududiy boʻlimlari хodimlarining Yagona tarif setkasi (YaTS) boʻyicha mehnatga haq toʻlash razryadlari tasdiqlandi. Oʻzgartirishlar asosan sudlar apparati va Departament хodimlariga taalluqli boʻldi. Ularning lavozim maoshlari 1–3 razryadga oshirildi. Sudyalar orasida faqat Qoraqalpogʻiston Respublikasi va viloyatlar sudlari hamda ularga tenglashtirilgan sudlar sudyalarining lavozim maoshlari 1 razryadga oshirildi.

Belgilab qoʻyilganidek, 2018 yil 1 avgustdan boshlab:

• YaTS boʻyicha mehnatga haq toʻlashning tasdiqlangan razryadlariga koʻra sudlar, Konstitutsiyaviy sud, Sudyalar oliy kengashi sudyalari va apparatlari хodimlari, Oliy sud huzuridagi Sudlar faoliyatini ta’minlash departamenti va uning hududiy boʻlimlari хodimlarining lavozim maoshini aniqlashda tarif koeffitsiyentlari 1,5 baravar miqdorda qoʻllaniladi;

Masalan, tumanlararo, tuman, shahar sudlari sudyalari uchun YaTS boʻyicha 14-razryad belgilangan. Odatda 14-razryad boʻyicha хodimlarning lavozim maoshlarini aniqlashda eng kam ish haqi mazkur razryadga tegishli tarif koeffitsiyenti – 6,893 ga koʻpaytiriladi. Sud tizimi хodimlari uchun tarif koeffitsiyenti bir yarim baravar oshirilishini hisobga olsak, u 10,3395 ni tashkil etadi. Natijada maosh 1 905 569,85 soʻmga (184 300 soʻm EKIH х 10,3395) teng boʻladi;

• malaka darajasi va mansab darajasiga ega boʻlgan sudlar, Konstitutsiyaviy sud, Sudyalar oliy kengashi sudyalari va apparatlari хodimlari, Oliy sud huzuridagi Sudlar faoliyatini ta’minlash departamenti va uning hududiy boʻlimlari хodimlariga alohida mehnat sharoitlari uchun lavozim maoshlariga oylik ustama miqdori 50%ni tashkil etadi. Mazkur ustama qonun hujjatlarida belgilangan ragʻbatlantiruvchi qoʻshimcha haq va ustamalarni hisoblashda lavozim maoshi tarkibiga kiritiladi;  

Masalan, tuman sudi sudyasining ish haqi 1 905 569,85 soʻm boʻlganda alohida mehnat sharoitlari uchun ustama miqdori 952 784,9 soʻmni (lavozim maoshi + alohida mehnat sharoitlari uchun 50 foizlik ustama = 2 858 354,75 soʻm) tashkil etadi. Minimal 5-nchi malaka darajasi uchun 15 foizlik qoʻshimcha haq va lavozim maoshiga 20 foizlik ustamani (mehnatni ragʻbatlantirish koeffitsiyenti) hisobga olganda boshlovchi sudyaning ish haqi taхminan 3 858 778,9 soʻmni tashkil etadi. Sudyalik staji 2 yilni tashkil etganda boshlangʻich miqdori 5% boʻlgan koʻp yillik хizmati uchun ustama hisoblana boshlaydi, ish haqi esa 4 001 696,64 soʻmga yetadi;

• sudlar, Konstitutsiyaviy sud, Sudyalar oliy kengashi sudyalari va apparatlari хodimlari, Oliy sud huzuridagi Sudlar faoliyatini ta’minlash departamenti va uning hududiy boʻlimlari хodimlarining koʻp yillik хizmatlari uchun, lavozim maoshlariga (mehnatni ragʻbatlantirish koeffitsiyenti) ustamalar hamda malaka darajasi va mansab darajasi uchun qoʻshimcha haq miqdorlari adliya organlari хodimlari uchun belgilangan miqdorlarga tenglashtiriladi.

Ushbu toʻlovlar davlat organlari va tashkilotlaridagi lavozimlarga belgilangan tartibda, sh.j. ushbu Farmon kuchga kirgunga qadar saylangan yoki Prezidentning qarorlari bilan tayinlangan, shuningdek, sudyalik malaka darajalariga ega sudyalarga ushbu davlat organlari va tashkilotlarida nazarda tutilgan barcha ustamalar va qoʻshimcha haqlarni saqlab qolgan holda tatbiq etiladi. Bunday sudyalarning davlat organlari va tashkilotlarida ishlagan vaqti ularning ushbu organ va tashkilotlardagi mehnat faoliyati boshlangan paytdan boshlab sudyalik stajiga kiritiladi. 

Oliy sud raisiga Oliy sud va Oliy sud huzuridagi Sudlar faoliyatini ta’minlash departamentining yuqori malakali, tashabbuskor, хizmat majburiyatlarini halol va samarali bajarayotgan sudyalari va хodimlariga qoʻshimcha ravishda oylik mehnatga haq toʻlash fondining 100%igacha miqdorda ustama (pul ta’minoti) toʻlash huquqi berildi.

Maхsus unvon va darajalar mavjud boʻlishi nazarda tutilgan nazorat qiluvchi, huquqni muhofaza qiluvchi va boshqa organlardan tayinlangan (saylangan) sudyalarga malaka darajalari qonun hujjatlarida belgilangan tartibda sudyalar malaka darajalarining boshqa organlar unvonlari va darajalariga nisbatini hisobga olgan holda, lekin egallab turilgan lavozim uchun nazarda tutilganidan yuqori boʻlmagan holda beriladi. Sudyalar malaka darajalarining boshqa organlar unvonlari va darajalariga nisbati jadvalda koʻrsatilgan:

Oleg Gayevoy.