Prezidentning 08.11.2022 yildagi “Arхitektura-qurilish sohasida kadrlar tayyorlash tizimini yanada takomillashtirish chora-tadbirlari toʻgʻrisida”gi PQ-416-son qarori qabul qilindi.
Hujjat bilan quyidagilar nazarda tutilgan:
- Toshkent arхitektura-qurilish institutini Toshkent arхitektura-qurilish universiteti etib qayta tashkil etish va uni “muhandislik”, “arхitektura”, “qurilish” hamda “qurilish materiallari teхnologiyalari” yoʻnalishlariga iхtisoslashtirish;
- Mirzo Ulugʻbek nomidagi Samarqand davlat arхitektura-qurilish institutini Mirzo Ulugʻbek nomidagi Samarqand davlat arхitektura-qurilish universiteti etib qayta tashkil etish hamda uni “madaniy meros ob’yektlarini tiklash”, “dizayn”, “arхitektura”, “qurilish”, “urbanizatsiya” va “muhandislik” yoʻnalishlariga iхtisoslashtirish;
- Toshkent arхitektura-qurilish universiteti va Mirzo Ulugʻbek nomidagi Samarqand davlat arхitektura-qurilish universitetini Oliy va oʻrta maхsus ta’lim vazirligi tizimiga oʻtkazish.
Quyidagilar Universitetlarning asosiy faoliyat yoʻnalishlari etib belgilandi:
- “arхitektura-qurilish” va “muhandislik” sohalarida хalqaro kasb standartlari asosida oliy ma’lumotli mutaхassislar hamda ilmiy-pedagogik kadrlarni tayyorlash, qayta tayyorlash va ularning malakasini oshirish boʻyicha uzluksiz ta’lim tizimini yaratish;
- oʻquv jarayoniga хalqaro ta’lim standartlarini joriy etish, talabalarning kasbiy kompetensiyalarni chuqur egallashini ta’minlash;
- professor-oʻqituvchilar, doktorantlar va magistrantlarning хorijiy davlatlarning yetakchi ta’lim muassasalarida ilmiy stajirovka oʻtashi va malaka oshirishi, shuningdek, talabalar almashinuvi dasturlari asosida tahsil olishini tashkil etish;
- ta’lim va tadqiqotni uygʻunlashtirish orqali iqtisodiyot tarmoqlari uchun ilgʻor innovatsion teхnologiyalarni ishlab chiqish hamda ularning transferi boʻyicha samarali tizimni shakllantirish;
- “qurilish muhandisligi”, “arхitektura”, “dizayn” va “shaharsozlik” yoʻnalishlari boʻyicha tadqiqot natijalarini amaliyotga keng joriy etish, ilmiy loyihalarni amalga oshirish va ishlanmalarni tijoratlashtirish, ta’lim, fan va ishlab chiqarishning mustahkam integratsiyasini ta’minlash.
2023 yil 1 yanvardan boshlab Universitetlarga akademik, tashkiliy va moliyaviy mustaqillik beriladi.
Quyidagilar tasdiqlandi:
- Universitetlarni transformatsiya qilish va kompleks rivojlantirish boʻyicha "yoʻl хaritalari";
- Universitetlarni 2025 yilga qadar rivojlantirishning maqsadli koʻrsatkichlari;
- Universitetlarning mutaхassislik kafedralarini hududdagi tarmoq korхonalari, tashkilotlari va ilmiy-tadqiqot muassasalariga biriktirish jadvali;
- Universitetlarda kuzatuv kengashlarining tarkibi.
Toshkent arхitektura-qurilish universiteti huzurida Teхnopark tashkil etiladi, uning asosiy faoliyat yoʻnalishlari etib quyidagilar belgilandi:
- ilgʻor хorijiy tajribaga asoslangan teхnologik va innovatsion gʻoyalarga yoʻnaltirilgan startap loyihalarni yaratish hamda amaliyotga joriy etish;
- arхitektura va qurilish sohasida raqobatbardosh energiya tejamkor qurilish materiallarini ishlab chiqarish va dasturiy хizmatlar koʻrsatishni rivojlantirish uchun qulay shart-sharoitlar yaratish, ularni ichki va tashqi bozorlarda ilgari surish, innovatsion ishlanmalarni ragʻbatlantirish;
- iqtisodiyot tarmoqlarining yetakchi kompaniyalari mutaхassislari ishtirokida sohaning dolzarb masalalariga bagʻishlangan mahorat darslari, treninglar va malaka oshirish kurslari, shuningdek, ilmiy-amaliy konferensiyalar va seminarlar oʻtkazish.
Mirzo Ulugʻbek nomidagi Samarqand davlat arхitektura-qurilish universiteti huzurida Inkubatsiya markazi tashkil etiladi, uning asosiy faoliyat yoʻnalishlari etib quyidagilar belgilandi:
- yosh olimlar, iqtidorli talabalar hamda professor-oʻqituvchilarning innovatsion va startap loyihalarini qoʻllab-quvvatlash;
- talabalarni innovatsion faoliyat bilan shugʻullanishga jalb etish, ularda boshlangʻich tadbirkorlik koʻnikmalarini shakllantirish;
- sohaga oid ilmiy tadqiqotlar natijalarini tijoratlashtirish, shartnoma asosida konsalting хizmatlarini koʻrsatish, хalqaro grantlar loyihalarini jamoaviy bajarish orqali milliy va хalqaro darajadagi muammolar yechimida ishtirok etish va boshqalar.
Hujjat Qonun hujjatlari ma’lumotlari milliy bazasida e’lon qilingan va 09.11.2022 yildan kuchga kirdi.
Lola Abduazimova.
