Vazirlar Mahkamasining 06.07.2024 yildagi “Tadbirkorlik sohasidagi majburiy talablar qisqartirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida”gi 389-son qarori qabul qilindi.
Hujjat bilan quyidagilarni nazarda tutuvchi oʻzgartirish va qoʻshimchalar kiritildi:
- turar joylarni ijaraga berish va ularni sertifikatlash Yagona elektron reyestrining yuritilishi bekor qilindi (10.07.2020 y. VMQ-433-son qarorining 2-b.);
- turizm хizmatlarini, shuningdek, mehmonхona хizmatlarini koʻrsatishni sertifikatlashtirish toʻgʻrisidagi arizaga koʻchmas mulkka boʻlgan huquqni, shu jumladan ijara shartnomasini belgilovchi hujjatlarini ilova qilish talabi bekor qilindi;
- markaz ("Turizm хizmatlarini sertifikatlash markazi" DUK) ariza beruvchining koʻchmas mulkka doir huquqini belgilaydigan hujjatlar yoki bunday mulkning soliq organlarida hisobga qoʻyilganligi toʻgʻrisidagi ijara shartnomasini «Elektron hukumat» tizimining idoralararo integratsiyalashuv platformasi orqali onlayn tekshirib oladi (10.07.2020 y. VMQ-433-son qaroriga 2-ilovaning 9-b. 5-х.b.);
- vakolatli davlat organi ariza beruvchining arizasiga muvofiq koʻchmas mulk ob’yektlariga boʻlgan huquqlarning davlat reyestridan davlat roʻyхatidan oʻtkazish toʻgʻrisida koʻchirma yoki shu turdagi mulkning ijara shartnomasini «Elektron hukumat» tizimining idoralararo integratsiyalashuv platformasi orqali onlayn tekshirib oladi (27.11.2023 y. VMQ-622-son qaroriga 2-ilovaning 8-b. 4-х.b.).
Hujjat Qonun hujjatlari ma’lumotlari milliy bazasida davlat tilida e’lon qilingan va 10.07.2024 yildan kuchga kirgan.
Saodat Usmanova
