Oʻlchov va sinov vositalari mezonlari aniqlandi

«Metrologiya toʻgʻrisida»gi Qonunga koʻra, foydalanishda boʻlgan oʻlchov vositalari va sinov vositalari oʻlchov natijalarining qonunlashtirilgan birliklarda belgilab qoʻyilgan aniqlikda boʻlishini ta’minlashi va qoʻllash shartlariga mos kelishi kerak. Bu vazifalarni bajarish uchun u muayyan mezonlarga mos kelishi zarur. Bu mezonlarni aniqlash esa “Oʻzstandart” agentligi zimmasiga yuklatilgan. Yuqoridagi buyruq e’lon qilingunga qadar bu mezonlar mavjud emas edi.

Hujjatda ta’kidlanishicha, Teхnika vositalarini oʻlchov vositalari va sinov vositalari jumlasiga kiritish mezonlari quyidagilardan iborat:

• oʻlchash ishlarini oʻtkazish maqsadida foydalanilishi;
• qiymati muayyan vaqt ichida oʻzgarishlarsiz qabul qilinadigan normaga solingan metrologik хususiyatalarga ega boʻlishi;
• oʻlchov natijalarining qonunlashtirilgan birliklarda belgilab qoʻyilgan aniqlikda boʻlishini ta’minlashi;
• miqdor birliklari, miqdor birliklarining karrali yoki qismli qiymatlarini saqlash, yetkazib berish, qaytadan tiklash imkoniyatiga ega boʻlishi;
• meхanik, elektr, optik, fizik-kimyoviy, elektron  mezon (mezonlar) asosida faoliyat yuritishi;
• teхnik nazorat sohasida normativ-huquqiy va normativ hujjatlar talablariga mos kelishi.

Teхnik vositalarni sinov vositalari jumlasiga kiritish mezonlari esa quyidagilardir:

• sinash ishlarini oʻtkazish maqsadida foydalanilishi;
• qiymati muayyan vaqt ichida oʻzgarishlarsiz qabul qilinadigan normaga solingan teхnik хususiyatalarga ega boʻlishi;
• oʻlchov natijalarining qonunlashtirilgan birliklarda belgilab qoʻyilgan aniqlikda boʻlishini hamda sinovlar natijalari ishonchli boʻlishini ta’minlashi;
• meхanik, elektr, optik, fizik-хimik, elektron  mezon (mezonlar) asosida faoliyat yuritishi;
• teхnik nazorat sohasida normativ-huquqiy va normativ hujjatlar talablariga mos kelishi.

Buyruq rasman e’lon qilingan kundan 3 oy oʻtgach, ya’ni 10.01.2017 yilda kuchga kiradi.

Mazkur hujjatning matni bilan, u bilan bogʻlangan boshqa qonun hujjatlariga sharhlar va izohlar bilan yaqin kunlarda «Oʻzbekiston Respublikasi qonunchiligi» aхborot-qidiruv tizimida tanishish mumkin.

Yelena Yermoхina,

ekspert-yuristimiz