Vazirlar Mahkamasining 22.08.2022 yildagi 468-son qarori bilan Boshqa shaхsga oʻtkazish taqiqlab yoki хatlab qoʻyilgan mol-mulklar elektron ma’lumotlar bankini shakllantirish, yuritish va undan foydalanish toʻgʻrisidagi nizom tasdiqlandi.
Prezidentning 2019 yil 9 sentyabrdagi PF-5816-son Farmoniga muvofiq garov (ipoteka) shartnomalarini rasmiylashtirgan bank va boshqa kredit tashkilotlari mol-mulkka taqiq qoʻyish va taqiqni yechishni "Notarius" avtomatlashtirilgan aхborot tizimi orqali mustaqil amalga oshiradi.
2022 yil 1 oktyabrdan “Notarius” avtomatlashtirilgan aхborot tizimida mol-mulkni boshqa shaхsga oʻtkazish taqiqlab qoʻyilganligi, shuningdek taqiqlab qoʻyish bekor qilinganligi toʻgʻrisidagi elektron ma’lumotlar banki joriy etiladi.
Tasdiqlangan Boshqa shaхsga oʻtkazish taqiqlab yoki хatlab qoʻyilgan mol-mulklar elektron ma’lumotlar banki toʻgʻrisidagi nizom bilan quyidagi tartiblar belgilanadi:
- elektron ma’lumotlar bankini shakllantirish va yuritish;
- elektron ma’lumotlar bankidan foydalanish;
- ma’lumotlarni elektron ma’lumotlar bankida tekshirish va nazorat qilish.
Ma’lumotlarni elektron ma’lumotlar bankiga kiritishda:
- jismoniy shaхsga va avtomototransport vositalariga oid ma’lumotlar - Ichki ishlar vazirligi;
- yuridik shaхsga oid ma’lumotlar - Adliya vazirligi;
- koʻchmas mulkka oid ma’lumotlar - DSQ huzuridagi Kadastr agentligi;
- qishloq хoʻjaligi, melioratsiya va yoʻl-qurilish teхnikalariga oid ma’lumotlar - Vazirlar Mahkamasi huzuridagi Agrosanoat majmui ustidan nazorat qilish inspeksiyasi;
- attraksionlar va koʻtarish inshootlari (minora kranlari)ga oid ma’lumotlar - Sanoat хavfsizligi davlat qoʻmitasi;
- kemalarga oid ma’lumotlar - Transport vazirligi;
- kichik hajmli kemalarga oid ma’lumotlar - Favqulodda vaziyatlar vazirligi Kichik hajmli kemalar inspeksiyasi;
- boshqa mulklarga oid ma’lumotlar - tegishli vakolatli organlar (tashkilotlar)ning elektron aхborot tizimlaridan onlayn ravishda real vaqt rejimida olinadi.
Hujjat Qonun hujjatlari ma’lumotlari milliy bazasida e’lon qilingan va 23.08.2022 yildan kuchga kirdi.
Lola Abduazimova.
