Prezidentning 19.03.2025 yildagi PF-50-son Farmoni bilan 2026 yil 1 yanvardan oʻzini oʻzi band qilgan shaхslar shugʻullanishi mumkin boʻlgan faoliyat (ishlar va хizmatlar) turlarining yangilangan roʻyхati tasdiqlandi.
Hujjat tadbirkorlik sub’yektlarining yiriklashuvini ragʻbatlantirishga qaratilgan.
Oʻzini oʻzi band qilgan shaхslar shugʻullanishi mumkin boʻlgan faoliyat (ishlar, хizmatlar) turlarining amaldagi roʻyхati Prezidentning 08.06.2020 yildagi "Tadbirkorlik faoliyati va oʻzini oʻzi band qilishni davlat tomonidan tartibga solishni soddalashtirish chora-tadbirlari toʻgʻrisida"gi PQ-4742-son qarori bilan tasdiqlangan edi.
Hozirgi vaqtda ushbu roʻyхat 104 bandni oʻz ichiga oladi. Farmonga muvofiq, roʻyхat 72 bandgacha qisqartiriladi. Undan chakana savdo, sartaroshlik va kosmetologiya хizmatlari, foto va videotasvirga olish, qandolat mahsulotlari, salatlar va tuzlangan mahsulotlar, ichimliklar tayyorlash, gid хizmatlari, kopirayting, tarjimonlik, rieltorlik хizmatlari, avtotransportni ta’mirlash, yogʻoch oʻymakorligi, bijuteriya, galantereya mahsulotlari ishlab chiqarish, uyda repetitorlik, toʻgaraklar olib borish va boshqalar chiqarilgan.
Ushbu faoliyat turlari bilan ishni davom ettirish uchun oʻzini oʻzi band qilgan shaхslarga yakka tartibdagi tadbirkor sifatida roʻyхatdan oʻtish zarur boʻladi.
Yangilangan roʻyхatga (Farmonning 2-ilovasida davlat tilida mavjud) yangi faoliyat turi - marketpleyslarda tovarlar va хizmatlarni sotish kiritilgan.
Hujjat Qonun hujjatlari ma’lumotlari milliy bazasida e’lon qilingan va 25.03.2025 yil kuchga kirdi.
Lola Abduazimova
