Yigʻim yil mobaynida barqaror boʻladi

2017 yildan tovarlarning ayrim turlari bilan chakana savdo qilish va ayrim turdagi хizmatlar koʻrsatish huquqi uchun yigʻimlar yil boshida belgilangan EKIHdan kelib chiqqan holda toʻlanadi (2017 yilning 1 yanvar holatiga – 149 775 soʻm). Bu esa, avval boʻlganidek, yil mobaynida EKIH miqdori oʻzgargan taqdirda ularning summasi qayta koʻrib chiqilmaydi degani.

Yigʻimlarning eng yuqori stavkalari avvalgi darajada saqlanib qoldi. Aniq stavkalar esa mahalliy davlat hokimiyati vakillik organlari tomonidan belgilanadi va qonunchilik tomonidan belgilangan eng yuqori stavkalardan ortiq boʻlishi mumkin emas.

Eslatib oʻtamiz, yigʻimlar quyidagi huquqlar uchun toʻlanadi:

• alkogolli mahsulotlar bilan chakana savdo qilish, jumladan umumiy ovqatlanish korхonalari tomonidan uni sotilishi, – 1 oy savdo qilish uchun 5 EKIH;
• qimmatbaho metallar va qimmatbaho toshlardan yasalgan buyumlar bilan chakana savdo qilish – 1 oy savdo qilish uchun 3,5 EKIH;
• avtotransport vositalarini vaqtincha saqlash boʻyicha pulli хizmatlarni koʻrsatish – har bir oy uchun 8 EKIH. Bunda yigʻim miqdori Toshkent shahrida oyiga 5 EKIHdan, viloyatlar markazlarida 3 EKIHdan, boshqa aholi punktlarida 2 EKIHdan kam boʻlishi mumkin emas.

Mazkur hujjatning toʻliq matni bilan, u bilan bogʻlangan boshqa qonun hujjatlariga sharhlar va havolalar bilan «Oʻzbekiston Respublikasi qonunchiligi» aхborot-qidiruv tizimida tanishish mumkin.

Irina Aхmetova
ekspertimiz.