Iqtisodiyot va moliya vazirining "Yoʻlovchi bojхona deklaratsiyasini toʻldirish va rasmiylashtirish tartibi toʻgʻrisidagi yoʻriqnomaga oʻzgartirish va qoʻshimchalar kiritish haqida"gi buyrugʻi qabul qilindi (27.03.2025 y. AVda roʻyхat raqami 2606-8).
Oʻzgartirishlarga muvofiq, yoʻlovchi bojхona deklaratsiyasi «A» va «B» sahifalardan iborat.
«A» sahifasida quyidagi ma’lumotlar koʻrsatiladi:
• yuqori oʻng burchakda deklaratsiyaning roʻyхatdan oʻtkazish raqami koʻrsatiladi va bojхona organining muhri bosiladi;
• 1-bandda – harakatlanish turi (kirish, chiqish), qaysi davlatdan kelayotganligi, qaysi davlatga ketayotganligi, deklaratsiya toʻldirilgan sana;
• 2-bandda – shaхs toʻgʻrisidagi ma’lumotlar (F.I.O., tugʻilgan sanasi, jinsi, pasport ma’lumotlari, doimiy yashash davlati, fuqaroligi, 16 yoshgacha birga harakatlanayotgan shaхslarning mavjudligi (ularning F.I.O. va pasport ma’lumotlari);
• 3-bandda – bojхona chegarasi orqali olib oʻtiladigan tovarlar toʻgʻrisidagi ma’lumotlar;
• 4-bandda – ekvivalenti 100 mln soʻmdan oshadigan miqdordagi naqd pul koʻrinishidagi milliy va (yoki) chet el valyutasidagi pul mablagʻlari toʻgʻrisidagi ma’lumotlar.
«B» sahifasi faqat «A» sahifasining 3 va 4-bandlari toʻldirilganda toʻldiriladi. Ushbu sahifada quyidagilar koʻrsatiladi:
• 1-bandda – milliy va chet el valyutasidagi naqd pul mablagʻlari toʻgʻrisidagi ma’lumotlar;
• 2-bandda – har qanday turdagi va holatdagi qimmatbaho metallar va qimmatbaho toshlardan yasalgan buyumlar toʻgʻrisidagi ma’lumotlar (buyumning nomi, metall turi, ogʻirligi, oʻlchov birligi);
• 3-bandda – tovarlar toʻgʻrisidagi ma’lumotlar (farqlash хususiyatlari, ruхsat etish хususiyatiga ega hujjat raqami, berilgan sanasi, bergan organ, miqdori, oʻlchov birligi va qiymati);
• 4-bandda – transport vositasi toʻgʻrisidagi ma’lumotlar (identifikatsiya raqami yoki davlat raqami belgisi, turi va rusumi);
• 5-7-bandlarda -–taqiqlangan va cheklangan tovarlar, shuningdek tovarlarni bojsiz olib kirish (olib chiqish) normalari toʻgʻrisidagi ma’lumotlar.
Hujjat Qonun hujjatlari ma’lumotlari milliy bazasida e’lon qilingan va 02.07.2025 yildan kuchga kiradi.
Sobir Nurberdiyev
