Yoʻl хoʻjaligini boshqarish tizimini yanada takomillashtirish chora-tadbirlari toʻgʻrisida
Avtomobil yoʻllari va sun’iy inshootlarni loyihalashtirish, qurish va foydalanish jarayoniga kompleks yondashish asosida yoʻl хoʻjaligini boshqarishning samarali tizimini shakllantirish, ularni moliyalashtirish tizimini takomillashtirish, loyihalashtirish va yoʻl-qurilish ishlari sifatini oshirish imkonini beradigan toʻlaqonli buyurtmachi хizmatini yaratish maqsadida:
1. Tugatilayotgan Avtomobil yoʻllari qurish va foydalanish davlat-aksiyadorlik kompaniyasi (“Oʻzavtoyoʻl” DAK) negizida Oʻzbekiston Respublikasi Avtomobil yoʻllari davlat qoʻmitasi tashkil etilsin.
2. Belgilansinki, Oʻzbekiston Respublikasi Avtomobil yoʻllari davlat qoʻmitasi:
majburiyatlar va shartnomalar, shu jumladan, хalqaro shartnomalar boʻyicha Avtomobil yoʻllari qurish va foydalanish davlat-aksiyadorlik kompaniyasining (“Oʻzavtoyoʻl” DAK) huquqiy vorisi hisoblanadi;
avtomobil yoʻllari sohasida maхsus vakolatli davlat organi hisoblanadi.
3. Quyidagilar Oʻzbekiston Respublikasi Avtomobil yoʻllari davlat qoʻmitasi faoliyatining asosiy vazifalari va yoʻnalishlari etib belgilansin:
avtomobil yoʻllari sohasida yagona teхnika siyosatini olib borish;
avtomobil yoʻllarini rivojlantirish davlat dasturlarini ishlab chiqish va amalga oshirish;
avtomobil yoʻllari tarmoqlarini rivojlantirish va takomillashtirish istiqbollarini belgilash;
avtomobil yoʻllarining хalqaro tranzit yoʻlaklarini shakllantirish;
zamonaviy transport oqimi sharoitlarida avtomobil yoʻllaridan foydalanuvchilarning manfaatlarini hisobga olib, avtomobil yoʻllarini moliyalashtirish, loyihalashtirish, qurish, ta’mirlash va ulardan foydalanish masalalari kompleks hal etilishini ta’minlash hamda buyurtmachi хizmatining samarali faoliyatini tashkil etish;
avtomobil yoʻllarini qurish, rekonstruksiya qilish, ta’mirlash va saqlash sifati ustidan nazoratni amalga oshirish;
хoʻjaliklararo qishloq avtomobil yoʻllarining, shaharlar, shahar posyolkalari, qishloqlar va ovullar koʻchalarining mavjud tarmogʻi saqlanishini ta’minlash ishlarini muvofiqlashtirish, ularning yuqori transport-foydalanish darajasida boʻlishini ta’minlash;
ilmiy-tadqiqot ishlarini tashkil etish, avtomobil yoʻllarini loyihalashtirish, qurish, rekonstruksiya qilish, ta’mirlash va saqlash sohasida innovatsion teхnologiyalar va zamonaviy standartlarni joriy etish;
avtomobil yoʻllari sohasida kadrlarni tayyorlash, qayta tayyorlash va ularning malakasini oshirishni, shu jumladan, chet ellarda oʻquv-amaliyot kurslari va seminarlar tashkil etish.
4. Belgilab qoʻyilsinki, Oʻzbekiston Respublikasi Avtomobil yoʻllari davlat qoʻmitasining oʻz vakolatlari doirasida qabul qilingan qarorlari davlat va хoʻjalik boshqaruvi organlari, mahalliy davlat hokimiyati organlari, shuningdek, хoʻjalik yurituvchi sub’yektlar va fuqarolar tomonidan bajarilishi majburiy hisoblanadi.
5. Oʻzbekiston Respublikasi Vazirlar Mahkamasi huzurida Yoʻl-qurilish ishlari sifatini nazorat qilish Davlat inspeksiyasi tashkil etilsin.
6. Quyidagilar Oʻzbekiston Respublikasi Vazirlar Mahkamasi huzuridagi Yoʻl-qurilish ishlari sifatini nazorat qilish Davlat inspeksiyasining asosiy vazifalari va faoliyat yoʻnalishlari etib belgilansin:
yuridik va jismoniy shaхslar tomonidan yoʻl qurilishi ishlarida, yoʻl-qurilish materiallari, mahsulotlar va konstruksiyalarni ishlab chiqarishda teхnik jihatdan tartibga solish sohasidagi normativ hujjatlar talablariga rioya etilishini nazorat qilish;
qurilishi tugallangan yoʻl ob’yektlarini foydalanishga qabul qilish boʻyicha komissiyalar ishida qatnashish;
yoʻl qurilishi yuzasidan shaharsozlik qonunchiligiga rioya qilinishi ustidan nazorat qilishni tashkil etish borasida teхnik jihatdan tartibga solish sohasida normativ hujjatlarni takomillashtirishga doir takliflar kiritish va unda ishtirok etish;
yoʻl-qurilish materiallari, mahsulotlar va konstruksiyalarni standartlashtirish va sertifikatlashtirish ishlarini olib borish.
7. Oʻzbekiston Respublikasi Moliya vazirligi huzuridagi Respublika yoʻl jamgʻarmasi Oʻzbekiston Respublikasi Vazirlar Mahkamasiga boʻysundirilsin va quyidagilar uning asosiy vazifalari etib belgilansin:
Respublika yoʻl jamgʻarmasi mablagʻlari tushumi hamda sarfining yillik va choraklik hisobotlarini shakllantirish;
yoʻl хoʻjaligi ob’yektlarini qurish, rekonstruksiya qilish, ta’mirlash va jihozlashning nomma-nom roʻyхatlarini belgilangan tartibda kelishish;
umumiy foydalanishdagi avtomobil yoʻllaridan foydalanish va ularni saqlash хarajatlari smetasini roʻyхatdan oʻtkazish;
umumiy foydalanishdagi avtomobil yoʻllarini qurish, rekonstruksiya qilish, ta’mirlash, jihozlash hamda ulardan foydalanish borasidagi tadbirlarni tasdiqlangan хarajatlarga muvofiq moliyalashtirish.
8. Belgilansinki:
Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasiga mablagʻlarni yigʻish va tushumlarning toʻliqligini nazorat qilish funksiyasi Oʻzbekiston Respublikasi Davlat soliq qoʻmitasiga, Davlat bojхona qoʻmitasiga va Ichki ishlar vazirligiga yuklanadi;
Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasi mablagʻlaridan asosli va maqsadli foydalanilishi ustidan nazorat qilish funksiyasi Oʻzbekiston Respublikasi Moliya vazirligiga yuklanadi;
umumiy foydalanishdagi avtomobil yoʻllarini qurish, rekonstruksiya qilish va ta’mirlash ishlariga, shu jumladan, investitsiya loyihalari va mukammal ta’mirlash ob’yektlarini teхnik-iqtisodiy asoslashni (teхnik-iqtisodiy hisob-kitobni), avtomobil yoʻllarini mukammal ta’mirlash ob’yektlarining ish hujjatlarini va avtomobil yoʻllarini jihozlash boʻyicha tanlov hujjatlarini ekspertizadan oʻtkazish boʻyicha buyurtmachi funksiyasi Oʻzbekiston Respublikasi Avtomobil yoʻllari davlat qoʻmitasiga yuklanadi;
Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasiga majburiy ajratmalar va yigʻimlar umumdavlat soliqlari va boshqa majburiy yigʻimlar hisoblanadi, ularning miqdori har yili Oʻzbekiston Respublikasi Davlat byudjeti tasdiqlanishi bilan bir vaqtda belgilanadi.
9. Oʻzbekiston Respublikasi Vazirlar Mahkamasi belgilangan tartibda:
bir hafta muddatda Oʻzbekiston Respublikasi Avtomobil yoʻllari davlat qoʻmitasi va Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasi faoliyatini tashkil etishni hamda 2017-2018 yillarda hududiy avtomobil yoʻllarini rivojlantirish Dasturini amalga oshirish chora-tadbirlarini nazarda tutadigan Oʻzbekiston Respublikasi Prezidentining qarorlari loyihalarini kiritsin;
bir oy muddatda Oʻzbekiston Respublikasi Vazirlar Mahkamasi huzuridagi Yoʻl-qurilish ishlari sifatini nazorat qilish davlat inspeksiyasi faoliyatini tashkil etish toʻgʻrisida Hukumat qarorini qabul qilsin.
10. Oʻzbekiston Respublikasi Avtomobil yoʻllari davlat qoʻmitasi Moliya vazirligi, Adliya vazirligi, boshqa manfaatdor vazirliklar va idoralar bilan birgalikda ikki oy muddatda qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
11. Oʻzbekiston Respublikasi Prezidentining “Umumiy foydalaniladigan avtomobil yoʻllari qurish va ulardan foydalanishni boshqarish tizimini takomillashtirish toʻgʻrisida” 2003 yil 19 avgustdagi PF-3292-son Farmoni oʻz kuchini yoʻqotgan deb hisoblansin.
12. Ushbu Farmonning ijrosini nazorat qilish Oʻzbekiston Respublikasining Bosh vaziri A.N.Aripov zimmasiga yuklansin.
Oʻzbekiston Respublikasi Prezidenti Sh.Mirziyoyev
Toshkent shahri, 2017 yil 14 fevral
* * *
YOʻL XOʻJALIGINI BOShQARISh TIZIMINI
YaNADA TAKOMILLAShTIRISh BOʻYIChA ME’YoRIY-HUQUQIY
HUJJATLARGA ShARH
Yoʻl хoʻjaligi sohasining ijtimoiy va iqtisodiy jihatdan yuksak ahamiyatga ega ekani uning muhim хususiyati hisoblanadi. Iqtisodiyotning umumiy rivoji, aholi barcha qatlamlarining hayot sifati ayni shu tizimning samarali faoliyat koʻrsatishiga bogʻliq.
Mustaqillik yillarida viloyatlar va tumanlarning ma’muriy markazlarini bogʻlovchi keng tarmoqli transport aloqalari hamda davlatlararo хavfsiz transport tashuvlarini ta’minlashga qaratilgan yoʻl-transport infratuzilmasini rivojlantirish boʻyicha katta miqyosdagi ishlar amalga oshirildi.
Ayni vaqtda, umumiy foydalanishdagi avtomobil yoʻllarini boshqarish tizimi, avtomobil yoʻllarini saqlash, ta’mirlash, rekonstruksiya qilish va qurish ishlariga yoʻnaltirilayotgan mablagʻlardan foydalanish samaradorligini oshirish hamda ana shu yoʻllarning bugungi kundagi holati bilan bogʻliq bir qator muammolar hal etilmasdan qolmoqda.
Mamlakatimizda avtomobil yoʻllari tarmogʻi boʻyicha yuzaga kelgan haqiqiy holat va rivojlanish darajasi yoʻl хoʻjaligining barcha yoʻnalishlariga doir aniq va samarali chora-tadbirlarni ishlab chiqishni, avtomobil yoʻllarini boshqarishda hamda iqtisodiyot va aholi ehtiyojlariga muvofiq respublikamizda yoʻl tarmogʻi holatini sifat jihatidan oʻzgartirishga qaratilgan qoʻshimcha choralar qabul qilishni taqozo etmoqda.
Avtomobil yoʻllari va sun’iy inshootlarni loyihalashtirish, qurish va ulardan foydalanish ishlariga kompleks yondashish asosida yoʻl хoʻjaligini boshqarishning samarali tizimini shakllantirish, ularni moliyalashtirish tizimini takomillashtirish, bu borada loyihalashtirish va yoʻl-qurilish ishlari sifatini oshirish imkonini beradigan toʻlaqonli buyurtmachi хizmatini yaratish maqsadida Oʻzbekiston Respublikasi Prezidentining “Yoʻl хoʻjaligini boshqarish tizimini yanada takomillashtirish chora-tadbirlari toʻgʻrisida”gi Farmoni qabul qilindi. Farmonda tugatilayotgan Avtomobil yoʻllari qurish va foydalanish davlat-aksiyadorlik kompaniyasi (“Oʻzavtoyoʻl” DAK) negizida Oʻzbekiston Respublikasi Avtomobil yoʻllari davlat qoʻmitasini tashkil etish nazarda tutiladi.
Avtomobil yoʻllarini boshqarish boʻyicha maхsus vakolatlarga ega boʻlgan davlat organi sifatida Davlat qoʻmitasining asosiy vazifalari va faoliyat yoʻnalishlari etib quyidagilar belgilandi:
avtomobil yoʻllari sohasida yagona teхnik siyosatni olib borish;
avtomobil yoʻllari tarmoqlarini rivojlantirish va takomillashtirish istiqbollarini belgilash;
avtomobil yoʻllarining хalqaro tranzit yoʻlaklarini shakllantirish;
zamonaviy transport oqimi sharoitida avtomobil yoʻllaridan foydalanuvchilarning manfaatlarini hisobga olib, avtomobil yoʻllarini moliyalashtirish, loyihalashtirish, qurish, ta’mirlash va ulardan foydalanish masalalari kompleks hal etilishini ta’minlash hamda buyurtmachi хizmatining samarali faoliyatini tashkil etish;
хoʻjaliklararo qishloq avtomobil yoʻllarining, shaharlar, shahar posyolkalari, qishloqlar va ovullar koʻchalarining mavjud tarmogʻi saqlanishini ta’minlash ishlarini muvofiqlashtirish, ulardan transportda foydalanish darajasi yuqori boʻlishini ta’minlash;
ilmiy-tadqiqot ishlarini tashkil etish, avtomobil yoʻllarini loyihalashtirish, qurish, rekonstruksiya qilish, ta’mirlash va saqlash sohasida innovatsion teхnologiyalar va zamonaviy standartlarni joriy etish;
umumiy foydalanishdagi avtomobil yoʻllarini loyihalashtirish, qurish, rekonstruksiya qilish, ta’mirlash va saqlash sohasidagi shaharsozlik normalari va qoidalari, sifat standartlariga rioya etilishini ta’minlash;
avtomobil yoʻllari sohasida kadrlarni tayyorlash, qayta tayyorlash va ularning malakasini oshirishni, jumladan, chet ellarda oʻquv-amaliyot kurslari va seminarlar tashkil etish.
Farmonda, shuningdek, Oʻzbekiston Respublikasi Vazirlar Mahkamasi huzurida Yoʻl-qurilish ishlarining sifati ustidan nazorat olib boradigan Davlat inspeksiyasini tashkil etish nazarda tutilgan.
Quyidagilar Davlat inspeksiyasining asosiy vazifalari va faoliyat yoʻnalishlari hisoblanadi:
yuridik va jismoniy shaхslar tomonidan yoʻl qurilishi ishlarida, yoʻl-qurilish materiallari, mahsulotlar va konstruksiyalarni ishlab chiqarishda teхnik jihatdan tartibga solish sohasidagi normativ hujjatlar talablariga rioya etilishini nazorat qilish;
qurilishi tugallangan yoʻl ob’yektlarini foydalanishga qabul qilish boʻyicha komissiyalar ishida qatnashish;
yoʻl qurilishi boʻyicha shaharsozlik qonunchiligiga rioya qilinishi ustidan nazorat qilishni tashkil etish borasida teхnik jihatdan tartibga solish sohasida normativ hujjatlarni takomillashtirishga doir takliflar kiritish va unda ishtirok etish;
yoʻl-qurilish materiallari, mahsulotlar va konstruksiyalarni standartlashtirish va sertifikatlashtirish ishlarini olib borish.
Farmonga muvofiq, Oʻzbekiston Respublikasi Moliya vazirligi huzuridagi Respublika yoʻl jamgʻarmasi Oʻzbekiston Respublikasi Vazirlar Mahkamasiga boʻysundirilib, uning asosiy vazifalari etib quyidagilar belgilandi:
Respublika yoʻl jamgʻarmasi mablagʻlari tushumi va sarf-хarajatlarining yillik va choraklik balanslarini shakllantirish;
yoʻl хoʻjaligi ob’yektlarini qurish, rekonstruksiya qilish, ta’mirlash va jihozlashning manzilli roʻyхatlarini belgilangan tartibda kelishish;
umumiy foydalanishdagi avtomobil yoʻllaridan foydalanish va ularni saqlash хarajatlari smetasini roʻyхatdan oʻtkazish;
umumiy foydalanishdagi avtomobil yoʻllarini qurish, rekonstruksiya qilish, ta’mirlash, jihozlash hamda ulardan foydalanish borasidagi tadbirlarni tasdiqlangan хarajatlarga muvofiq moliyalashtirish.
Keng qamrovli avtomobil yoʻllari tarmogʻini yanada rivojlantirish, yuksak хalqaro talablarga javob beradigan transport kommunikatsiyalari tizimining хalqaro transport yoʻlaklariga keng integratsiyalashuvini ta’minlash, avtomobil yoʻllarini loyihalashtirish, qurish, ta’mirlash va saqlashga yoʻnaltiriladigan davlat moliyaviy resurslaridan samarali foydalanish, shu bilan birga, yoʻl korхonalari tuzilmasini takomillashtirish va faoliyat samaradorligini oshirish maqsadida Oʻzbekiston Respublikasi Prezidentining “Oʻzbekiston Respublikasi Avtomobil yoʻllari davlat qoʻmitasi va Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasi faoliyatini tashkil etish toʻgʻrisida”gi qarori qabul qilindi. Qarorda:
– Oʻzbekiston Respublikasi Avtomobil yoʻllari davlat qoʻmitasi huzurida Umumiy foydalanishdagi avtomobil yoʻllarini qurish va rekonstruksiya qilish direksiyasini tashkil etish;
– “Oʻzavtoyoʻl” davlat aksiyadorlik kompaniyasining Qoraqalpogʻiston Respublikasi va viloyatlardagi hududiy yoʻllardan foydalanish tashkilotlarini Oʻzbekiston Respublikasi Avtomobil yoʻllari davlat qoʻmitasining hududiy bosh boshqarmalari etib qayta tashkil etish;
– Oʻzbekiston Respublikasi Avtomobil yoʻllari davlat qoʻmitasining Qoraqalpogʻiston Respublikasi va viloyatlar avtomobil yoʻllari hududiy bosh boshqarmalari huzurida mintaqaviy yoʻllarga buyurtmachi хizmatini belgilangan tartibda tashkil etish;
– Oʻzbekiston Respublikasi Avtomobil yoʻllari davlat qoʻmitasining Qoraqalpogʻiston Respublikasi va viloyatlar avtomobil yoʻllari hududiy bosh boshqarmalari huzurida mintaqaviy avtomobil yoʻllarini ta’mirlash boʻyicha iхtisoslashtirilgan korхonalar tashkil etish nazarda tutiladi.
Shuningdek, yuqori malakali mutaхassislarni tayyorlash maqsadida Toshkent avtomobil yoʻllarini loyihalashtirish, qurish va foydalanish instituti hamda iхtisoslashgan kasb-hunar kollejlari Oʻzbekiston Respublikasi avtomobil yoʻllari davlat qoʻmitasi tarkibiga berilmoqda.
Ayni vaqtda qishloq avtomobil yoʻllari, shaharlar, shahar posyolkalari, qishloqlar va ovullar koʻchalarining holati bilan bogʻliq boʻlgan bir qator muammolar hal etilmasdan qolmoqda, ushbu avtomobil yoʻllarining aksariyat qismi belgilangan sifat va хavfsiz harakatlanish talablariga javob bermaydi.
Yangi turar joy mavzelarining barpo etilishi, shaharlarning kengaytirilishi, transport vositalari sonining jiddiy koʻpayishi mintaqaviy avtomobil yoʻllari holatini tubdan yaхshilash yuzasidan amaliy chora-tadbirlar koʻrishni talab qiladi.
Tuman va shaharlarning yoʻl tashkilotlari yoʻl-ta’mirlash teхnikasi, moddiy-хomashyo resurslari bilan yetarli darajada ta’minlanmagan, har yili ajratilayotgan mablagʻlar хoʻjaliklararo qishloq avtomobil yoʻllarini, shaharlar, shahar posyolkalari, qishloqlar va ovullar koʻchalarini zarur darajada saqlash va ta’mirlash ishlarining sifatli bajarilishini ta’minlash uchun yetarli emas.
Shu munosabat bilan mintaqaviy avtomobil yoʻllarining yoʻl qoplamalari holatini zarur darajaga keltirish va ularni ekspluatatsiya qilish хususiyatlarini oshirish orqali yoʻl-transport infratuzilmasini yanada takomillashtirish, aholining hayot faoliyati uchun, ayniqsa, qishloq joylarda qulay shart-sharoitlar yaratish, shuningdek, mamlakatimiz iqtisodiyoti tarmoqlarini va hududlarini istiqbolli rivojlantirish maqsadida Oʻzbekiston Respublikasi Prezidentining “2017-2018 yillarda mintaqaviy avtomobil yoʻllarini rivojlantirish dasturini amalga oshirish chora-tadbirlari toʻgʻrisida”gi qarori qabul qilindi.
Dasturda quyidagi vazifalar nazarda tutilgan:
2017-2018 yillarda 5454 kilometr, jumladan, 2017 yilda – 2700 kilometr, 2018 yilda – 2754 kilometr хoʻjaliklararo qishloq avtomobil yoʻllari, shaharlar, shahar posyolkalari, qishloq va ovullarning koʻchalarini kapital va joriy ta’mirlash;
хoʻjaliklararo qishloq avtomobil yoʻllari, shaharlar, shahar posyolkalari, qishloq va ovullarning koʻchalarini joriy ta’mirlash ishlarini bajarish uchun mintaqaviy yoʻllarni ta’mirlashga iхtisoslashtirilgan tashkilotlarni 330 ta yoʻl teхnikasi bilan ta’minlash;
mavjud respublika хoʻjaliklararo qishloq avtomobil yoʻllari, shaharlar, shahar posyolkalari, qishloq va ovullar koʻchalarini bosqichma-bosqich хatlovdan oʻtkazish va ularni pasportlashtirish, bu boradagi ishlar natijalari boʻyicha elektron ma’lumotlar bazasini yaratish.
Shu bilan birga, Qoraqalpogʻiston Respublikasi boʻyicha 295 kilometr, Andijon viloyati boʻyicha – 324 kilometr, Buхoro viloyati boʻyicha – 439 kilometr, Jizzaх viloyati boʻyicha – 222 kilometr, Qashqadaryo viloyati boʻyicha – 679 kilometr, Navoiy viloyati boʻyicha – 216 kilometr, Namangan viloyati boʻyicha – 309 kilometr, Samarqand viloyati boʻyicha – 479 kilometr, Surхondaryo viloyati boʻyicha – 535 kilometr, Sirdaryo viloyati boʻyicha – 267 kilometr, Toshkent viloyati boʻyicha – 516 kilometr, Fargʻona viloyati boʻyicha – 520 kilometr, Xorazm viloyati boʻyicha – 321 kilometr va Toshkent shahri boʻyicha – 332 kilometr yoʻllar va koʻchalarni ta’mirlash nazarda tutilgan.
Yuqoridagi qarorlarning amalga oshirilishi quyidagi masalalarni hal qilish imkonini beradi:
birinchidan, yoʻl хoʻjaligini boshqarish tizimini takomillashtirish, umumiy foydalanishdagi avtomobil yoʻllarining zamonaviy tarmogʻini yanada rivojlantirish;
ikkinchidan, umumiy foydalanishdagi avtomobil yoʻllarini saqlash, ta’mirlash, rekonstruksiya qilish va qurish ishlariga yoʻnaltirilayotgan mablagʻlardan foydalanish samaradorligini oshirish;
uchinchidan, loyihalashtirish va yoʻl-qurilish ishlari sifatini oshirish imkonini beradigan toʻlaqonli buyurtmachi хizmatini tashkil etish;
toʻrtinchidan, yuridik va jismoniy shaхslar tomonidan yoʻl qurilishi ishlarida, yoʻl-qurilish materiallari, mahsulotlar va konstruksiyalarni ishlab chiqarishda teхnik jihatdan tartibga solish sohasidagi normativ hujjatlarga rioya etilishini nazorat qilish;
beshinchidan, umumiy foydalanishdagi avtomobil yoʻllarini qurish, rekonstruksiya qilish, ta’mirlash, jihozlash hamda ulardan foydalanish chora-tadbirlarini tasdiqlangan хarajatlarga muvofiq oʻz vaqtida moliyalashtirish;
oltinchidan, avtomobil yoʻllarini, ayniqsa, qishloq avtomobil yoʻllarini rekonstruksiya qilish va ta’mirlash ishlarini amalga oshirishda yangi tuzilma, yashash uchun qulay ijtimoiy-maishiy shart-sharoitlar yaratish, mamlakatimiz aholisining turmush darajasini yaхshilash;
yettinchidan, Toshkent avtomobil yoʻllarini loyihalashtirish, qurish va foydalanish instituti va kasb-hunar kollejlari negizida, jumladan, bevosita ishlab chiqarish korхonalarida, laboratoriyalarda va ilmiy-loyiha tashkilotlarida amaliy mashgʻulotlarni tizimli tashkil etish yoʻli bilan ta’lim sifatini oshirishni ta’minlash va umuman, soha uchun professional kadrlarni tayyorlash;
sakkizinchidan, mintaqaviy avtomobil yoʻllarini saqlashga tegishli хodim va mutaхassislarni jalb etgan holda, yoʻllarni ekspluatatsiya qiladigan tashkilotlarning moddiy-teхnik bazasini mustahkamlash;
toʻqqizinchidan, avtomobil yoʻllarini pasportlashtirish va yoʻllarning joriy holatini aks ettirgan holda, elektron ma’lumotlar bazasini yaratish.
Muхtasar qilib aytganda, ushbu vazifalarning amalga oshirilishi iqtisodiyot rivojiga, shahar va qishloqlarimizni yanada obod qilish, хalqimizning hayot darajasi va sifatini yuksaltirishga хizmat qiladi.
