Вазирлар Маҳкамасининг 03.04.2023 йилдаги “Давлат муассасалари вa давлат иштирокидаги корхоналарни қайта ташкил этиш ва тугатишнинг қўшимча чора-тадбирлари тўғрисида”ги 139-сон қарори қабул қилинди.
Президентнинг 24.03.2023 йилдаги “Иқтисодиётда давлат иштирокини қисқартиришнинг қўшимча чора-тадбирлари тўғрисида”ги ПҚ-102-сон қарорига мувофиқ:
- Давлат муассасаси ва масъулияти чекланган жамият сифатида қайта ташкил этиладиган давлат иштирокидаги корхоналар рўйхати;
- Қайта ташкил этиш орқали филиалга айлантириладиган давлат муассасалари ва давлат иштирокидаги корхоналар рўйхати;
- Қонунчиликда белгиланган тартибда тугатиладиган истиқболсиз, фаолият кўрсатмаётган, зарар кўриб ишлаётган ва паст рентабелли давлат муассасалари ва давлат иштирокидаги корхоналар рўйхати тасдиқланди.
Ушбу корхона ва муассасаларнинг тўлиқ рўйхати билан бу ерда танишиш мумкин.
Ҳужжат Қонун ҳужжатлари маълумотлари миллий базасида эълон қилинган ва 4.04.2023 йилдан кучга кирди.
Лола Абдуазимова.
