У Хоразм илмий-тажриба станцияси негизида ташкил этилмоқда, бу Ҳукуматнинг 17.04.2019 йилдаги 327-сон қарори билан белгиланган.
Филиалнинг асосий вазифаси – ҳудуднинг тупроқ-иқлим шароитларига мос, юқори ҳосилли, касалликларга чидамли, гуручининг юқори сифат кўрсаткичлари бўйича ажралиб турувчи шоли навлари ва дурагайларини яратиш бўйича тадқиқотларни кенгайтириш.
Ҳужжат билан 2019–2021 йилларда Филиални ривожлантириш бўйича комплекс чора-тадбирлар дастури ҳам тасдиқланди, унинг доирасида жаҳон андозалари асосида шоличилик соҳасида илмий тадқиқотлар ўтказилиши кўзланган.
Ҳужжат Қонун ҳужжатлари маълумотлари миллий базасида эълон қилинган ва 18.04.2019 йилдан кучга кирди.
